Du Fu

Du Fu

Du Fu, ok Tu Fu, 杜甫 Dù Fǔ ( * 712 in Duling bi Chang'an; † 770 in Leiyang) weer en vun de wichtigsten Dichterslüde in China in de Tied vun de Tang-Dynastie. Dormols leev ok Li Bai. Siene Tonaams weern Dù Shàolíng (杜少陵) oder Dù Gōngbù (杜工部).

Anners as bi Li Bai befaat sik siene Gedichten faken mit politischen Protest. He schrifft över soziale Ungerechtigkeit, Hunger un Dör’nanner so, as eenfache Lüde dat sehn doot. Dor lett he siene Gedichten geern in verleden Johrhunnerte bi spelen.

Toeerst schaff he nich de Prüfung to’n Beamten, denn slump dat avers doch noch buten de Reege un amenne hett he en gode Stäe harrt bi Hoff unner den Kaiser Suzong. Later is he rafsett’ wurrn un he möss as Beupdragten för de Bildung na de Stadt Huazhou. Eerst güng dat denn noch en beten bargup, man later weer dat mit siene Beamtenkarriere toenne. Vun dor af an hett he sik noch mehr mit Gedichten befaat. 1.400 Gedichten vun em gifft dat vundagen noch. De Besten vun jem finnt sik in de Anthologie Dreehunnert Tang-Gedichten (Hoochdüütsch).