Dritte Wahl

Vun Wikipedia
Zur Navigation springen Zur Suche springen
Dritte Wahl (2009)

Dritte Wahl is en Punk-Band ut Rostock. Se maken Musik op Hoochdüütsch, hebben mit Hoch in’n Norden aver ok al en Leed över jemehr Heimatstadt Rostock op Plattdüütsch sungen.

De Band hett sik 1986 grünnt un is 1988 toeerst optreden. Dorto höört hebben do Busch’n (Marko Busch) as Frontmann un Holm an’n Bass. Holm hett de Band 1991 verlaten. As Trio mit Busch’n (Gesang, Bass), Gunnar (Gunnar Schröder, Gitarr, Gesang) un Krel (Jörn Schröder, Gesang, Slagtüüch) sünd se in ganz Düütschland in de Punkszeen bekannt worrn.

Dritte Wahl spelen Düütschpunk, de aver ok veel vun Metal af hett. Se singen temlich direkte Texte, de polietsch-kämpferisch un temlich links sünd.

An’n 17. Januar 2005 is Busch’n mit 35 Johr an Magenkreeft storven. De annern wullen de Band nich oplösen un hebbt wiedermaakt, wat sik ok Busch’n so wünscht harr. Siet 19. April 2005 speelt nu Stefan den Bass, de vördem bi de Crushing Caspars Gitarr speelt harr.

Se hebbt alltohoop negen Studio-Alben, ene Doppel-Live-CD un twee Live-Videos opnahmen.

1998 hett de Band en egen Plattenlabel mit’n Naam Rausch Records grünnt, dat later den ne’en Naam Dritte Wahl Records kregen hett.

Diskografie[ännern | Bornkood ännern]

  • 1991: Raff dich auf, Demo Tape
  • 1992: Rari Tape, Demo Tape
  • 1992: Fasching in Bonn, CD/LP
  • 1994: Auge um Auge, CD/LP
  • 1995: 6 Track Split (mit de Dödelhaie, CD/10“ Vinyl)
  • 1996: Nimm drei, CD/LP
  • 1996: Nimm drei, Video
  • 1998: Strahlen, CD/LP
  • 1998: Hallo Erde, 7“ Vinyl
  • 1999: Delikat - 11jahrebühnenjubiläum88-99, CD/LP
  • 2000: Heimspiel, EP (ünner’n Naam Kollektiv Hein Butt)
  • 2001: Und jetzt?, MCD/10“
  • 2001: Halt mich fest, CD/LP
  • 2002: Roggen Roll, CD/LP
  • 2003: Meer Roggen Roll, CD/LP
  • 2003: Die sonderbare Tape-CD, CD
  • 2004: Tooth For Tooth, CD/LP
  • 2005: Fortschritt, CD/LP
  • 2006: Drei Live, DVD
  • 2007: Singles, CD
  • 2008: 20 Jahre Dritte Wahl, DVD
  • 2009: 20 Jahre 20 Songs, CD
  • 2010: Gib Acht, CD/LP

Weblenken[ännern | Bornkood ännern]