Drinkwater

Vun Wikipedia

Dit Woort hett noch annere Bedüden: kiek dorför ünner Drinkwater (Mehrdüdig Begreep).

Tappwater ut den Kraan
Aguadora (de Waterdrägersch), Francisco de Goya, Spanien, 1808-1812

Ünner Drinkwater warrt Water begrepen, dat direkt för den minschlichen Bruuk vörsehn is. Ofwoll Drinkwater in de mehrsten Hüüs ut den Kraan kümmt, is Drinkwater nich datsülve as Tappwater. De Beteken Leddenswater oder Kraanwater seggt wat över de Wies vun'n Transport oder Aflevern ut, nich över de Qualiteet vun't Water.

Drinkwater is Söötwater mit een so hogen Reinheidsgraad, dat dat för den menschlichen Bruuk passlich is, vör allen to'n Drinken un to'n Tobereden vun Eten. Dat mehrste Water warrt tohuus bruukt, wenn een duuscht oder för sanitäre Dingen. Buddelwater as ok Bornwater un vele Soorten vun Mineraalwater sünd nich jümmers topass för all minschliche Bruken, wiel se veel Mineralien beinholen köönt.