Dreiher (Technik)
Dreiher (m., pl. Dreihers) is een Stell, de as Andriev bi allerhand Moschinen un Reedschop bruukt ward. Een grooten Ünnerscheid gifft dat dorin, wo ans de Dreiher anfoot ward: a) Ward dat mit de Hann doon, denn is dat een Handdreiher; b) ward dat mit de Fööt doon, denn nömt’n dat een Pedodel.
Reedschopen mit’n Handdreiher gifft dat vun fröher her un up stünns jümmer noch in’e Köken to’n Röhren, Snippeln un so wieder.
De vörnehmst Reedschop, de mit’n Pedodel dreben ward, is na wie vör dat Fohrrad. Vun fröher her kennt’n woll ok noch Omas Neihmoschin oder ok dat Spinnrad.
De Minsch kennt den Handdreiher to’n Bedrief vun eenfack Moschinen all ut de Römertied vör 1700 / 1800 Johr.
