Drachtband
Drachtbanner, Drachband of Drachselen sünd Reems of Banner mehrstieds van Gummi (ook van Katuun, Sied en anner Stoffen). De Banner loopt över de Schüllern en warrt vörn en achtern an de Kant van de Büx fast maakt. Se deent dorto, dat de Büx nicht afsackt en up de richtig Hööcht liggt - sünners wenn een keen Reem drüggt.
De Drachtbanner hebbt een X- Form of een Y-Form. Jümmers warrt twee Banner an de Vöörkant van de Büx an rechter en lüchter Sied fast maakt. De Banner loopt direktemang över de Schüllern na de Achterkant van de Büx. Bi de X-Form loopt de twee Banner an de Midd van de Back tosaam (dor sünd se tosaamneiht of -klemmt) en loopt denn wedder ut'neen. Nettso as vörn warrt se to rechter en lüchter Sied an de Achterkant fastmaakt. Bi de Y-Form blievt de twee Banner tohopen en warrt in de Midd van de Achterkant fastmaakt.
För’t Fastmaken sünd dor verschillen Middeln. Dor sünd Banner mit Klemmen an’t Enn, faken mit lütt Tacken an. De Klemmen griept van beid Sieden in de Stoff van de Büx. Anner Banner loopt ut in lüttje Reems mit Gaten, de fastmaakt warrt an Knööp, de an de Kant van de Brook sitt.
Dat de Büx passen doot för grötter of lütter Lüüd, sünd de Banner van Gummi, dat de sück strecken könnt. Faken kann een de Längd van de Banner ook instellen.