Dominika Cibulková

Vun Wikipedia
Zur Navigation springen Zur Suche springen
Dominika Cibulková 2016 bi de US Open

Dominika Cibulková (* 6. Mai 1989 in Bratislava) is en slowaaksch Tennisspelerin.

Karriere[ännern | Bornkood ännern]

Cibulková fung mit söben Johr an, Tennis to spelen. Mit 15 Johr is se in de Profitour insteegen. 2004 speel se in Prag hör eerst ITF-Turnier. Up dat ITF Women's Circuit wunn se twee Eenzeltitel, 2005 in Amarante (Portugal) un 2006 in hör Heimatstadt Bratislava. Up de WTA Tour staht bitlang veer Eenzeltitel up hör List.

In de WTA-Weltranglist reck se in't Eenzel nah den Intoog in dat Halffinale vun de French Open an' 6. Juli 2009 Platz 12. Wiedere Highlights weern hör Endspeeldeelnahmen bi de Bausch & Lomb Championships up Amelia Island (6:7, 3:6 gegen Marija Scharapowa) un bi den Rogers Cup in Montreal (2:6, 1:6 gegen Dinara Safina). In' Januar 2009 wunn se in Perth (Australien) an de Siet vun Dominik Hrbatý för de Slowakei den Hopman Cup.

2010 - 2011[ännern | Bornkood ännern]

Cibulková reck 2010 in Paris un in Wimbledon jeweils de darte Runn un truck bi de US Open in't Veertelfinale in. 2011 hett se in Wimbledon de Weltranglisteneerste Caroline Wozniacki ut dat Turnier rutkegelt, verlor denn aber in't Veertelfinale gegen Marija Scharapowa düütlich mit 1:6, 1:6. Bi dat Hartplatzturnier vun Stanford reck se dat Halffinale, kunn denn aber wegen en Verletzung nich gegen Marion Bartoli mehr antreden. In Linz verlor se dat Endspeel mit 4:6, 1:6 gegen Petra Kvitová. Bi den Kremlin Cup in Moskau kunn se denn aber doch hör eersten WTA-Titel fiern, in't Endspeel wunn se gegen Kaia Kanepi mit 3:6, 7:61 und 7:5.

2012[ännern | Bornkood ännern]

Bi de Australian Open keem se blots bit in de tweet Runn. In' Februar reck se mit de slowaaksch Fed-Cup-Mannschap de Play-off-Runn um de Deelnahm an de Weltgrupp; se verlor hör Einzel in Bratislava gegen Virginie Razzano, wunn aber gegen Pauline Parmentier.[1] Bi dat Sandplatzturnier in Barcelona reck se dat Endspeel, verlor denn aber düütlich mit 2:6, 2:6 gegen Sara Errani. Bi de French Open sörg se för en Överraschung, as se dor in dat Achtelfinale de Weltranglisteneerste Wiktoryja Asaranka mit 6:2, 7:64 ut dat Turnier befördern dee. In dat Veertelfinale keem se denn aber nich gegen Samantha Stosur an. In Wimbledon floog se all in de eerste Runn rut. To'n Uptakt vun de US-Hartplatzsaison gelung hör in San Diego mit en Endspeelsieg över Marion Bartoli (6:1, 7:5) de tweete Titelgewinn up de Tour.

2013[ännern | Bornkood ännern]

Ehrn darten WTA-Titel hett sück Cibulková wedder up en Hartplatz sekert. Bi dat Turnier in Stanford kunn se nah Siegen över Stefanie Vögele, Urszula Radwańska un Sorana Cîrstea in't Endspeel ok de Nummer 4 vun de Welt, Agnieszka Radwańska, slahn.

2014 - De Dörbröök[ännern | Bornkood ännern]

Bi de Australian Open stunn Cibulková nah Siegen över Francesca Schiavone, Stefanie Vögele, Carla Suárez, Marija Scharapowa, Simona Halep un Agnieszka Radwańska eerstmals in't Endspeel vun en Grand-Slam-Turnier. Dor verlor se aber gegen Li Na mit 6:73 un 0:6. Ok ehrn veerten WTA-Titel wunn Cibulková in Acapulco up Hartplatz. Bi de Sony Open in Miami truck se bit in dat Halffinale in. In dat Veertelfinale kunn se gegen Agnieszka Radwańska dree Matchbälle afwehren un de Partie noch dreihn. Dornah stunn se eerstmals in de Top 10 vun de WTA-Weltranglist.[2]

Hör bitlang hööchste Platzeeren up de Tennis-Weltranglist weer Rang 4. De hett se in März 2017 reckt.

Turniersiege[ännern | Bornkood ännern]

Eenzel[ännern | Bornkood ännern]

Nr. Datum Turnier Kategorie Belag Finalgegnerin Ergevnis
1. 23. Oktober 2011 Moskau WTA Premier Hartplatz (Hall) Kaia Kanepi 3:6, 7:61, 7:5
2. 22. Juli 2012 San Diego WTA Premier Hartplatz Marion Bartoli 6:1, 7:5
3. 28. Juli 2013 Stanford WTA Premier Hartplatz Agnieszka Radwańska 3:6, 6:4, 6:4
4. 1. März 2014 Acapulco WTA International Hartplatz Christina McHale 7:63, 4:6, 6:4
5. 10. April 2016 Katowice WTA International Hartplatz (Hall) Camila Giorgi 6:4, 6:0
6. 25. Juni 2016 Eastbourne WTA Premier Rasen Karolína Plíšková 7:5, 6:3
7. 16. Oktober 2016 Linz WTA International Hartplatz (Hall) Viktorija Golubic 6:3, 7:5
8. 30. Oktober 2016 Singapur WTA Tour Championships Hartplatz (Hall) Angelique Kerber 6:3, 6:4

Düppel[ännern | Bornkood ännern]

Nr. Datum Turnier Kategorie Belag Partnerin Finalgegnerinnen Ergevnis
1. 17. Juni 2017 's-Hertogenbosch WTA International Rasen Kirsten Flipkens Kiki Bertens
Demi Schuurs
4:6, 6:4, [10:6]

Enkeld Nahwiesen[ännern | Bornkood ännern]

  1. http://www.tennis-x.com/xblog/2012-02-06/8818.php%7Ctitel=Fed Cup Results; Berdych, Youzhny, Monaco Win ATP Titles, van 6. Februar 2012
  2. http://www.t-online.de/sport/tennis/id_68699898/slowakin-cibulkova-dritte-halbfinalistin-in-miami.htm, Slowakin Cibulkova dritte Halbfinalistin in Miami van' 26. März 2014

Weblenken[ännern | Bornkood ännern]

Commons-logo.svg Dominika Cibulková. Mehr Biller, Videos oder Audiodateien to’t Thema gifft dat bi Wikimedia Commons.