Dmitri Nikolajewitsch Kokarew

Vun Wikipedia

Dmitri Nikolajewitsch Kokarew (russisch: Дмитрий Николаевич Кокарев; * 18. Februar 1982 in Pensa) is en russisch Schachspeler.

All in jung Johren kunn he eenige Erfolge fiern. Bi de U14-Europameesterschaft 1996 in Rimavská Sobota keem he up den tweeten Platz, wunn aber de U18-Weltmeesterschaft 1999 in Oropesa del Mar.

In de russisch Mannschapsmeesterschap speel Kokarew bis 2014 för Polytechnik Nischni Tagil, siet 2015 speelt he för de Mannschap vun Siberia Nowosibirsk, mit de he 2015 russisch Mannschapsmeester wurr[1] as ok den European Club Cup wunn[2]. In’n Juni 2010 wunn he den 3. Mayor’s Cup in Mumbai ahn Verlust mit 9 Punkten ut 11 Partien.[3] Mannschapsschach speel he 2012 ok in Bangladesch (för Duronto Rajshahi) as ok bi de spaansch Mannschapsmeesterschap 2018 för Oromana Schneider Electric. 2013 wurr he bi dat Tschigorin-Memorial in Sankt Petersburg Tweet achter Pawel Eljanow.

Den Titel Schachgrootmeester drocht Dmitri Kokarew siet Januar 2007, de Normen dorför hett he bi dat Tschigorin-Memorial in‘n Oktober 2004 in Sankt Petersburg, bi dat Moskau Open in‘n März 2005 in Moskau (mit Övererfüllung) as ok bi dat Grootmeester-Turnier in’n August 2006 in Saratow reckt.[4] Sien Elo-Tall bedrocht 2631 (Stand: Februar 2021), sien bither hööchste weer 2651 in‘n Januar 2017.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Dmitri Kokarew sien Ergevnisse bi russisch Mannschapsmeesterschapen up olimpbase.org (engelsch)
  2. Dmitri Kokarew sien Ergvbnisse bi European Club Cups up olimpbase.org (engelsch)
  3. GM Dmitry Kokarev takes Mumbai Mayor’s Cup. Artikel up chessdom.com (engelsch)
  4. GM-Antrag (engelsch)