Diskuschoon:Seelandium

Vun Wikipedia
Zur Navigation springen Zur Suche springen

Dat Woord Stoop dücht mi hier en beten hulprig. Op Nedderlandsch heet dat to'n Bispeel tijdsneed oder ok blot tijd. --::Slomox:: >< 12:54, 2. Mai 2008 (CEST)

Op hoochdüütsch is "Stufe" de Fackbegreep. Op Plattdüütsch gifft dat dorto natürlich keen Fackliteratur. Wobi antomarken is, dat "Stufe" de Fackbegreep vun de Chronostratigrafen is, wieldat de Geochronologen dorto Öller seggt. Heff ik dorüm beids in de Box mit rinsett. Dor kannst manchmol blots mit’n Kopp schütteln bi disse Geologen... --Iwoelbern 13:21, 2. Mai 2008 (CEST)
Woneem hest Du tijd funnen? De Artikel "Stufe (Geologie)" op de:WP lenkt op "Etage (stratigrafie)" in nl:WP --Iwoelbern 13:40, 2. Mai 2008 (CEST)
Op nl:Selandien. Op nl:Etage (stratigrafie) steiht dat ok: Een etage (Engels: stage) is het chronostratigrafisch equivalent van een geochronologische tijd of tijdsnede. De maakt also all dissen Ünnerscheed twischen de beiden Begrepen. Un dat maakt ja man ok Sinn, wenn een sik dat överleggt: De Stratigraaf snackt vun dat, wat ünner de Eer liggt un de Geochronoloog snackt vun dat, wat vör Millionen vun Johren op disse ole Eerschicht los wesen is. De Utdruck Stufe (un Stoop) fangt dissen Ünnerscheed nich in, dücht mi. --::Slomox:: >< 13:57, 2. Mai 2008 (CEST)
Klor maakt de dat all so - sünd jo ok allns Geologen. Liekers snackt se opletzt all vun dat Glieke. Wat een vundaag finnt un wat dormols loswesen is hett jo ’n beten wat mitenanner to doon. Dat Problem mit de Stoop seh ik nich ganz. Wenn een de Tiet as en lange Trepp ansütt, denn is jede enkelte Afsnitt en Stoop op disse Trepp. Wat jo den lieken Sinn utdrückt as de "etage" op nedderlännsch. --Iwoelbern 14:14, 2. Mai 2008 (CEST)
PS:Oder meenst Du, in’n Artikel schüll nich de stratigraafsche, man de geochronoloogsche Utdruck stahn? Denn harr ik jo mit "Öller" översett, wat op hoochdüütsch den Fackbegreep "Alter" hett (womit wi wedder bi de Tiet sünd...)