Diskuschoon:Sass’sche Schrievwies

Akzeptanz

In den Artikel steht, dat dee nedderdüütschen Schriftstellers un so wieder Sass sien Schriefwies ünnerstütt harren. To ierst einmal bün ick so'n bäten verbiestert oewer dat nedderderdüütsche. Ji meinen dor nu plattdüütsch, oder wat sall dat heiten? In Nedderdüütsch steht, dat sünd dee "westgermaansche[n] Spraken (de anglofreeschen Spraken utnahmen), de den tweten germaanschen Luudwannel nich mitmaakt hebbt". Dat heit, dat ook dee Mundort-Schriewers in dee Nedderlanden seggt hemm: "Jo, dat maken wi!" Dat glööf ick ja nu nich. Ick würd also woll vörslahn, dat wi dor plattdüütsch bruken (oder wi möten extra noch schrieben, dat wie Nedderdüütsch in engeren Sinn meinen dauhn - is oewer bannig ümständlich, oder nich?). Ick heff dat nu oewer nich utbätert, weil ick nich weit, wo dat nu bäter is. Wat nu dee Satz sülben is, ick glööf, dat is doch nich so. Nich all dee Schriftstellers, Wissenschaftler un so wieder hemm seggt: "Is gaud, maken wi nu so." So as ick dat weit, hemm dee Mäkelborger dat graad aflähnt (woll ook ut politische Gründe, wier ja DDR dormals), dee Räägeln to ünnerstütten. Giff't ja hüüt noch kein Konsens. Ick würd also den Satz viellicht 'n bäten genauer formulieren (leider weit ick nu von dee Ümstänn von dormals nich sovääl). Süss künn'n sick ja fragen, worüm dat manchmal hüüt so'n Striet üm dee Räägeln gifft.

Dor steiht jo nich, dat se all em ünnerstütten deen. Blot de, de bi de 9. Dagfohrt dorbi weren. Un disse Dagfohrt harr nu den Naam so (9. Tagung der niederdeutschen Schriftsteller...). --::Slomox:: >< 14:33, 8. Apr 2007 (CEST)

Aha, danke vör denn Henwies. Bloß wier dat denn nich bäter, dat mit Anführungsteiken to verseihn, denn kann'n dat lichter seihn. Ick heff nämlich würklich dacht, dat dor nu bienah all Schriftstellers dorvör west sünd. Viellicht koenen wie dat jichtens bäten düüdlicher maken? Dee nie'e Sass schrifft dor t. B. tau: "Regeln für die plattdeutsche Rechtschreibung vereinbart im Jahr 1956 in Hamburg auf Veranlassung und unter Mitwirkung der Fehrs-Gilde zwischen Vertretern aus Schleswig-Holstein, Hamburg und Oldenburg und aktualisiert von der Fehrs-Gilde im Jahr 2002." Also, dat geht mi nu nich dorüm, wovääl Lüüd denn Sass nu bruken dauhn, dat is ja tähmlich egal (ick heff dat also nich schräben, üm hier den Sass antogriepen oder süss wat, wenn dat ein dinken deht), sonnern bloß, dat dat bäten genauer dor in steiht. Ick lat dor oewer dee Finger von, weil ick mi mit denn Sass nich so gaut utkennen dauh, un wat Verkiehrtes will ick dor ook nich rinneschrieben. --IP-Los 22:19, 18. Apr 2007 (CEST)

ẞ

Gebruik ons eielik die ß volgens Sass (Saß) se skryfwys? 85.179.232.21 17:00, 31. Okt 2007 (CET)

Jo, Sass kennt dat ß, aver man blot in en ganz poor enkelte Wöör kummt dat vör, Spaaß, Dießel, Raaß, boßeln un en poor annere. --::Slomox:: >< 21:02, 7. Nov 2007 (CET)

Regeln

Inholt löscht. denn dat Oorheverrecht is braken worrn. De Fehrs-Gill kriggt dat Autorenhonoror, se bruukt dat Geld för annere plattdüütsche Projekten. Dat hett Heinrich Thies op Nafraag to Heiko Evermann seggt. De Schrievregeln sünd dennoch bi Wkipedia in't Nett stellt worrn. Dat is nich de fiene Oort. Kiek ok, wat ünnen fett för jeedeen steiht: "Stell hier nix rin, wat ...". Heinrich Thies

Heinrich Thies vun de Fehrs-Gill hett nu de Regeln rutnahmen un seggt, dat se dor en Oorheverrecht op hebbt. Wohrschienlich hett he för den Text recht, denn de is ja ans nich veel as en Översetten vun de hoochdüütschen Regeln. Aver op de Regeln mag ik nich verzichten. De höört dor to. Un op de Regeln an sik liggt keen Oorheverrecht. Schöölt wi de Regeln eenfach nee schrieven, in uns egen Wöör, so dat dor keen frömd Oorheverrecht mehr op liggt? Oder hett ans noch een en anner Verschääl? --::Slomox:: >< 15:24, 6. Jul. 2008 (CEST)

Dat de Regeln ünner en Oorheverrecht staht, kann ik mi ok nich recht vörstellen. To Noot kann een dat as’n Tabell dorstellen oder even in egen Wöör. Ik harr aver geern mol wüsst, wat dor mit Heiko dormols afsnackt worrn is... Wenn’t hard op hard kummt, hebbt wi jümmer ok de Mööglichkeit, uns egen Regeln optostellen. Mit de Sass'schen Regeln heff ik an enkelte Steden mitünner ok mien Twievel. --Iwoelbern 15:44, 6. Jul. 2008 (CEST)

Naja, ik nehm an, Heiko hett fraagt: Dröfft wi de Regeln bi Wikipedia rinstellen? un de Fehrs-Gill seed denn: Nee. Dor heff ik blot nix vun wüsst, as ik de Regeln denn liekers in'n Artikel rinschreven heff. Ik heff mi dor nix bi dacht. Oorheverrecht an Rechtschriev-Regeln dücht mi doch en beten afsünnerlich, denn de Fehrs-Gill hett ja en Intress, dat jemehr Regeln bekannter warrt. Juristisch hebbt se aver recht. Op'n Text vun de Regeln hebbt se Oorheverrecht. Aver nich op de Regeln sülvst. Wi mööt also blot datsülve mit annere Wöör seggen, denn gifft dat keen Problem mehr. --::Slomox:: >< 16:06, 6. Jul. 2008 (CEST)

Kann man dat denn ok mit Sekerheit utsluten, dat se nich ok op de Regeln sülvst dat Recht hebbt? Nich, dat an’n Enn dor noch ’n juristischen Striet bi rutwassen deit. Dor hett jo nümms wat vun. --Iwoelbern 16:22, 6. Jul. 2008 (CEST)

Op de Regeln sülvst kann dat keen Oorheverrecht geven. --::Slomox:: >< 16:32, 6. Jul. 2008 (CEST)

Tämlich dösig, den Regel-Text to löschen. Denn wi höört ja nu just to de Lüde, de sik mit düsse Regeln afgeven wüllt. Wi maakt de sotoseggen mit populär. Ik weer den Dübel doon, mi dor en Book över to kopen. De Tendenz is hier midderwielen ja doch, dat wi dor so'n beten vun afgaht. Also: Wenn se de Regeln hier nich open maken wüllt: Süms Schuld. Geld könnt se dor, glööv ik, doch nich mit verdenen. Un wie lang geiht eegentlich dat Oorheverrecht?

Mehr darüber

Kann jemand etwas mehr darüber schreiben? Wie seht die Sass'sche Schrievwies aus? Großschreibung oder nicht, hat es andere Buchstaben oder etwas? Servien ✍ 21:23, 2. Aug. 2011 (CEST)

Ik versöök mi mal döran. ;) Zylbath ✍ 01:36, 3. Aug. 2011 (CEST)

Soo, dat is nu klaar. Man kann villiecht een nochmal döröver kieken, wat dat Copyright so in Orrnen geiht?! Bün mi dör so unseker. Zylbath ✍ 19:10, 3. Aug. 2011 (CEST)

Wachholtz Verlag un Niemünster

Schöölt dat verlinkt warrn? lg, Sarcelles ✍ 16:56, 3. Aug. 2011 (CEST)

Moin, wat meenst du mit verlinken? Wohen? Zylbath ✍ 19:11, 3. Aug. 2011 (CEST)

Ah, ik Blöödhammel seh dat nu eerst. Jo, also wenn du dat maken willst, denn geern. (Ik kopeer dat hier mal na de Artikeldiskuschoon.) Zylbath ✍ 22:53, 3. Aug. 2011 (CEST)