Diskuschoon:Ritzbüttel

Seiteninhalte werden in anderen Sprachen nicht unterstützt.
Vun Wikipedia

Dat gifft noch hüde en freeschen Naam Ritse. In de freesche Spraak wannelt sik de k-Luut faken to tz/ts: Kerke -> Tsjerke, leggen -> lizze un de Naam Ekkard -> Edzard. In't Middeloller hefft ja in't Land Wusten de Wusterfresen seten. Wohrschienlich hefft de ja man freesche Vornaams harrt. Dat is doch dicht bi. Ik weet nich, of Ritzbüttel vun Fresen besiedelt wurrn is, man de Mann, de den Oort sien Naam geven hett, de mutt ja woll en Fresen ween hebben un Ritse/Ritze heten hebben un nich Rike oder Rikkert oder wat in de Aart.--Bolingbroke 21:59, 1. Mär 2012 (CET)[anter]

Dat dor disse Luudwannel von k to ts togang weer, dor geev ik di recht. Aver dat mutt nich bedüden, dat de Mann ok so heten hett. Kann angahn, de Mann hett Rike heten un de Oort denn toeerst Rikesbutila un eerst later is dor denn Ritsebutle von worrn.
Ritzbüttel hett op jeden Fall nich in Wusten legen. Dat weer in Hadeln. Aver ok mank de Sassen hett dat k->ts geven. Zeven hett to'n Bispeel fröher Kivinan heten.
Wi weet dat nich. Kann jüstso good angahn, dat dat gornich von en Vörnaam kummt, dat dat ganz woanners herkummt. Dat mit'n Vörnaam is ok blots en Theorie. --::Slomox:: >< 09:25, 2. Mär 2012 (CET)[anter]