Diskuschoon:Ratzborger See

Vun Wikipedia
Zur Navigation springen Zur Suche springen

Müss dat nich Ratzborger See heten? --::Slomox:: >< 19:26, 31. Jan. 2012 (CET)

Wenn Ratzeburg op plattdüütsch Ratzborg heet, denn woll jo! --Iwoelbern 21:26, 31. Jan. 2012 (CET)
Sogor www.ratzeburg.de is sik dor nich enig: google:"ratzeborg"site:ratzeburg.de vs. google:"ratzborg"site:ratzeburg.de. Aver ik meen, dat müss Ratzborg heten. Dat is de logische Form mit Apokoop. Un wenn dat twee Formen gifft, denn is normalerwies jümmer de richtig, de weniger dicht bi dat Hoochdüütsche is (so as Fuustregel, jümmer gellt dat natürlich nich).
Kummt aver noch dorto, dat dat blangen "Ratzborger" ok noch de Variante "Ratzbörger" gifft. De Oort liggt ja an de Grenz na Mekelborg. In Mekelborg hebbt se -börger un na Holsteen to seggt se woll mehr -borger. Wat in Ratzborg sülvs gellt, dat weet ik nich. Bi uns op de Stoder Geest heet dat ok -börger. --::Slomox:: >< 09:24, 1. Feb. 2012 (CET)
Ik bün vun Huus ok woll ok eher -börger wennt. Aver to Ratzborg kann ik nix seggen. --Iwoelbern 09:37, 1. Feb. 2012 (CET)
Ik schuuv denn eerstmal op Ratzborger See, de Redirect kann ja stahn blieven un Ratzbörger warrt ok en Redirect. --::Slomox:: >< 09:50, 1. Feb. 2012 (CET)
Twee annere Saken sünd mi noch opfullen:
  • Dor steiht entstannen. Müss dat nich entstahn heten? Un egentlich is dat ok keen richtig plattdüütsch Woord, oder? Kunn een villicht as De Ratzborger See hett sik ut en Gletscherdal in de Iestied billt utdrücken.
  • Maräne sütt ok nich besünners plattdüütsch ut. De Fisch höört to dat Geslecht Coregonus. Un för Fisch ut dat Geslecht Coregonus gifft dat den plattdüütschen Naam Snäpel. Ik weet aver nich, wat de Naam Snäpel ok för Coregonus nasus gellt. --::Slomox:: >< 09:57, 1. Feb. 2012 (CET)
Entstahn is is keen richtig Platt, bruuk ik aver ok faken. Entstannen kenn ik nich. Ik meen aver, dat de hele Satz verkehrt is. Dat is keen Gletscherdaal ̣– so wat gifft dat blots in de Bargens, tomindest aver hoge Topografie. Op dat hoochdüütsche Wiki warrt de See as Gletschertungensee beschreven, dat is denn doch wat anners. --Iwoelbern 10:18, 1. Feb. 2012 (CET)