Diskuschoon:Preetz

Müss dat nich Swentin heten, wenn dat al vun Sventana afleidt is? --Iwoelbern 10:36, 6. Dez 2008 (CET)

Kunn angahn; aber ik hebb dat nich ännert, wiel ik mi dor (in Preetz) nich so utkenn. Eastfrisian 11:50, 6. Dez 2008 (CET)

Naja, dat s+Konsonant wo dat Hoochdüütsche sch+Konsonant hett, is keen allgemeen plattdüütsch Phänomen. Wenn du di de Wenker-Koorten to dat Phänomen ankickst, denn sühst du, dat oosten vun en Lien Anklam, Templin, Fehrbellin, Jerichow, Meideborg dat s+Konsonant kumplett unbekannt is. Westen vun disse Lien geiht dat nu kumplett dörenanner. De grote Deel Öörd hett s+Konsonant, aver jümmer wedder sünd dor enkelte Öörd oder Gruppen vun Öörd twischen, de sch+Konsonant hebbt. Wenn wi na Preetz kiekt ([1], Koort swart), denn hett Preetz sw, aver en Reeg Naveröörd hett schw. Dat geiht so dörenanner mit de beiden Formen, dat ik annehm, dat dat vör allen en Fraag vun de Schrievwies is un keen Fraag vun de Utspraak. De Fraagbagens sünd ja von Laien utfüllt worrn. Un villicht speelt dor ok en beten dat Hoochdüütsche al rin. De Koort to Süster/Swester is ok so'n Flickenteppich. Dat is ok so'n Woord, wo de hoochdüütsche Form sik mehr un mehr breed maakt hett.

Wi köönt also nich seggen, dat de Utspraak schw weniger Platt is as sw. Gifft allens beids un is allens beids ok nich verkehrt.

Liekers bün ik dor bi de Schrievwies an un för sik för, dat wi lever sw schrievt. Denn wenn dien Dialekt den Luud sw nich kennt, denn kummt bi de Schrievwies sw utspraken automaatsch en schw rut. Annersrüm geit dat nich so good.

Denn aver noch wedder en liekers: Liekers bün ik dor för, dat wi schw stahn laat, wenn en annern dat so schrifft. Lett sik ja licht mit en Redirect doodslaan. --::Slomox:: >< 12:14, 6. Dez 2008 (CET)

De Fraag weer alleen op de Schrievwies richt, nich op de Utspraak. Ik sülvst snack dat s mit Konsonant ok jümmer as'n sch. Mi geiht dat mehr üm de Fraag, wat an’n Enn dat Lemma wesen schall. Dor weer ik neemlich ok för sw... --Iwoelbern 12:19, 6. Dez 2008 (CET)

För dat Lemma bün ik ok för Sw. --::Slomox:: >< 12:25, 6. Dez 2008 (CET)