Diskuschoon:Planet

Vun Wikipedia
Wesseln na: Navigatschoon, Söök

De lütten Dingers...

wat maakt wie dormit nu? Entweder smiet wi jüm all rut, oder we möt jüm all rinpacken? Also, ik meen, entweder koomt hier blos de richtigen Planeten rin - denn heft Pluto hier nix meer to söken. Oder wi nemmt de niegen Dwargpleneten mit rin, denn fehlt man noch Ceres und Eris, und dat wart woll noch meer --Iwoelbern 22:13, 20. Sep 2006 (UTC)

Pluto weer 76 Johren lang en Planet un eerst siet knapp een Maand hett de IAU ehr Definitschoon ännert. De IAU hett nich de alleenige Definitschoonsautorität. Solang dat Weten „Dat Sünnsystem hett negen Planeten“ noch fast bi de Lüüd verwuddelt is, schöölt wi den Pluto noch as Planet nömen (mit den Tosatz, dat he na offiziell astronoomsche Definitschoon keen mehr is). De annern Dwargplaneten köönt wi ok geern nömen, solang de Tall noch aftählbor is. Wenn in en poor Johren de Lüüd blots noch de Steern in Folen leggt, wenn se so’n Tüdelkraam as „negen Planeten“ höört, denn kann de Pluto ok ganz rut. --::Slomox:: >< 10:03, 21. Sep 2006 (UTC)

Ik find, dat Slomox recht heff. För Ceres un Eris kunnt jo mol eener eegene artikeln maken. --Hans 16:14, 21. Sep 2006 (UTC)

Doch, de IAU hett ganz gewiss dat alleenige Recht sowat to ännern. Dorvör is de letztlich dor, und wat se besloten heft, hett jo ok Hand un Fot. De WP schall vertellen, wi de Welt is un wie wat tosammenhingt. Deswegen künnt wi uns nich dorno richten, wat sik all rümsnakt hett un wat nich. Pluto is jo ok noch een Planet, man bloß 'n lütten, wie de annern ok. Is meer de Fraag, ob dat in een Artikel tosamenfot warrn schall, oder ob wi dor twe ut maakt... (dat Eris und Ceres eegen Atrikel hebben künnt, is noch een annere Geschicht. Dor bün ik ok för!) --Iwoelbern 17:38, 21. Sep 2006 (UTC)
De IAU is ene Fackautorität. Se regelt de Facknomenklatur. De Pluto weer 76 Johren lang en Planet. Nu kann de IAU nich bums besluten, de Pluto is gorkeen Planet. Dat ännert an den Planet nix. Blots de Nomenklatur ännert sik. De Facknomenklatur wiekt in’n Momang vun de „Volks“nomenklatur af. De Volksnomenklatur warrt sik wedder de Facknomenklatur anpassen, dor gah ik vun ut, aver aktuell passt se nich openanner. Dorüm mööt wi nu beid Versionen dorstellen ahn een as de richtige un de annere as verkehrt hintostellen. Hest du villicht gor nich so meent, aver wenn ik vun richtige Planeten un heft Pluto hier nix meer to söken lees, denn müch ik dat doch geern kloorstellen ;-) --::Slomox:: >< 19:00, 21. Sep 2006 (UTC)
Nu is mi klor, wat Du meent hest...--Iwoelbern 10:36, 22. Sep 2006 (UTC)

Gefallt mi goot, so as dat nu dorsteiht.---Bolingbroke 15:57, 23. Sep 2006 (UTC)