Diskuschoon:Meven

Seiteninhalte werden in anderen Sprachen nicht unterstützt.
Vun Wikipedia

Also, dat glööv ik nu just nich, datt Meev dat richtige Woort is. Mööv weer beter. Anners versteiht dat numms un du wullt ja ok, datt hier mal een nahkieken kann, de so'n etymologisch Rangahn an de Saak nich versteiht. Up de een Siet schuuvt wi ole plattdüütsche Wöör as Oorlog un Tardel nah Krieg un Wörpel, up de anner nehmt wi hier een Woort, wat al lang nich mehr bruukt warrt. Dor mutt System achter steken. Ik bün för Mööv.---Bolingbroke 13:45, 4. Nov 2006 (CET)

Ik denk mi ok, dat Mööv beter is. Dat meent ok mien Lexika. HeikoEvermann 20:44, 4. Nov 2006 (CET)
Möwe is en Lehnwoort ut dat Plattdüütsche. Dat kummt vun meve. De Hoochdüütschen hebbt denn en Ümluudform dorvun as Standardschrievwies inföhrt. Ok vele Dialekten hebbt egenstännig Ümluudformen billt (gifft ja nich vele Dialekten, de de Wöör jüst so utsnackt, as se na Sass schreven warrt), annere hebbt Ümluden na hoochdüütsch Vörbild. Wedder annere bruukt an de Steed Luden, de vun Meev kummt un ok blots dor vun kamen köönt.
Is ja nich dat sülve as mit Krieg oder Wörpel. Dor sünd blots de Wöör, bi de dat liekorrige hoochdüütsche Formen gifft, stärker worrn un hebbt annere Wöör verdrängt. Mööv bruken is nich dat sülve as Wörpel bruken, dat is dat sülve as Würfel bruken. --::Slomox:: >< 17:42, 6. Nov 2006 (CET)