Diskuschoon:Landkreis Emsland

Vun Wikipedia
Zur Navigation springen Zur Suche springen

Moot dat nich Eemsland heeten. De Stroom heet ja ok Eems? Eastfrisian 13:36, 24. Nov. 2008 (CET)

Ik kenn mi so wied in'n Westen nich ut, ik kenn den Stroom as Emms. Dat kummt aver ganz gewiss ut dat Hoochdüütsche. Wenn de Stroom aver överall mit lang e spraken warrt, denn schall ok de Kreis Ee hebben. In Westfalen, wo se de Vokals briäken doot, dor heet dat ja ok Iämse, also mutt de Vokal lang wesen un du hest recht. --::Slomox:: >< 17:12, 24. Nov. 2008 (CET)
Dor hefft wi ja up de Diskuschoonssiet vun Eems al över snackt. Dormols is schaven wurrn, u.a., vunwegen dat in Oostfreesland de Ems Eems heten deit. Man hier is ja woll de Fraag: Wat seggt se in dat Emsland dorto? Amenne Iämseland?--Bolingbroke 00:00, 25. Nov. 2008 (CET)
De Grenz e/iä gifft dat bi DIWA hier (de Koort is för Lepel). Wenn de Grenz bi em jüstso löppt as bi ep (wat ik annehm, aver nich weet), denn löppt de Isogloss so temlich op de Kreisgrenz langs. Also warrt in't Emsland nich Iämse seggt. Nu is dat aver nich de Lepel/Liäpel-Isogloss. Dat is de Leppel/Liäpel-Isogloss. Dat kann also angahn, dat tominnst de Süüddeel vun'n Kreis würklich Ems mit kort e seggt. De gröttere Deel vun'n Kreis in'n Noorden hett tominnst bi Lepel en lang e. Nu weet ik nich: lett sik de Vokalquantität vun Leppel/Lepel op Ems/Eems överdragen? Dat is nich unplausibel, op Hoochdüütsch sünd ok beide Wöör kort: Ems un Löffel. Aver weten do ik dat nich gewiss. --::Slomox:: >< 00:47, 25. Nov. 2008 (CET)
Wat ik ehm gau an plattdütske Sieden ut dat Eemsland in't Nett funnen hebb, daar seggen's - of schrieven's - meest "Emsland". Man dat is vlicht eenfach ut dat hoogdütske overnohmen. Wat man fakeder höört as dat lang e an'd Begünn van dat Wort is dat Schwae an't Enn, dat kenn ik hier ok of un to noch ut de Süden van Oostfreesland. Denn seggen se "Eemse" of "Äämse". Un wenn een daar denn "Emseland" van maakt, dann is dat ok faken to finnen. T.B.: "Wi bint de Bürschker Jungend vom schönen Emseland / wie drinkt den Kuipers Kloaren, de löpp so warm int Lief.: En Dröppelken, en Dröppelkann, dat holt de Ohren stief." Vlicht was dat een Mögelkheid. Termo 11:08, 25. Nov. 2008 (CET)
Also, wenn wi dor vun utgaht, dat de DIWA-Koorten [1] un [2] nu noch gellt (dat schullen se tominnst groff noch) un ok för de sülven kongruenten Phänomene in dat Woord E(e)ms(e) gellt (nich unplausibel, aver ok nich rut), denn seggt de grote Deel vun'n Kreis Eemse. En lütten Deel in de Ümgegend vun Freren seggt Emse. Ems jüst as op hoochdüütsch kann dat na DIWA blot in en lütte Eck in'n Landkreis Bentem heten, bi Ravenshorst un Hubertushof. Iämse un Iäms kann dat normalerwies blot in Westfalen heten. Aver de hoochdüütsche Influss hett de Formen Emsland un Emseland villicht ok in Gegenden bröcht, in de dat na Luudgesetten anners heten müss.
Nu finnt een Eemseland bi Google gornich. Aver Eemse finnt een. Villicht is dat ja man ok so, dat dat e an't Enn faken rutfallt, wenn dat in'e Midd vun en Woord to stahn kummt. Jüst so as ut Eerde un Beere denn Eerdbeere warrt un nich Eerdebeere. Op de anner Sied gifft dat ja liekers Emseland. Dat alleen kann also de Grund ok nich wesen. --::Slomox:: >< 19:29, 25. Nov. 2008 (CET)