Diskuschoon:Kroamschudd’n in Mariaparochie

Dor bruuk ik an twee Steden en beten Help: Bi de dree Wiesen sünd Heino un Roberto Blanco ganz kloor to kennen. Bi'n drüdden wüss ik aver nich recht, wokeen dat wesen schall. Franz Josef Strauß heff ik mi dacht. Aver ik bün mi temlich unseker. Villicht kann sik een den Film op YouTube ankieken un mehr seggen. Bi 2:33 sünd de dree to sehn. Wat ok opfallt, is, dat de drüdde Gerards heten deit un nich Melchior. Villicht steckt dor en Anspielung in, de ik nich verstahn heff.

De twete Saak: op kraamvisite gaan is de Besuch am Kindbett. Hett dat fröher ok bi uns geven, aver wat warrt dor to seggt? Weet dat een? --::Slomox:: >< 22:26, 2. Feb. 2009 (CET)

Ik heff mi dat nu en poor mol ankeken un warr dor nich klook bi, worüm de Gerards heet. Dat hett mit Sekerheit wat to bedüden, aver ik weet ok nich wat... Ik bün mi ok nich seker, wokeen dat wesen schall. Strauß hett al teemlich veel Ähnlichkeit mit de Figur, man so ganz nipp un nau drapen is dat nich. Mag goot wesen, dat dat en annern dorstellen schall. --Iwoelbern 23:15, 2. Feb. 2009 (CET)

Ik heff noch en beten söcht:

Und wir beiden, Balthasar und Gerards Wohrschienlich speelt dat an op nl:Balthasar Gerards, de Willem van Oranje bi'e Sied bröcht hett. Wenn dat so is, helpt dat aver ok nich wieder, ruttofinnen, 'keen de drüdde is.

Mit Googeln na Mariaparochie strauß heff ik dit funnen. Weten doot se't ok nich, aver glöven doot se't ok. Googeln na mariaparochie blanco heino bringt ok nich mehr.

Wenn ik bi [1] kiek, denn passt dat Gesicht ok to Strauß sien Karikaturen-Gesicht: tohoopknepene Ogen, groot rund Kinn, Gesicht mehr breed.

Un to de twete Fraag heff ik bi Herrmann-Winter Kindsfaut funnen. Un mit Kindsfaut bi Google heff ik denn bi dat Pommersche Wöörbook [2] Kindspot un Kindswåter funnen. Un mit Googeln na Kindsfoot finnt sik denn noch Keesfoot as Synonym.

Un bi Plattpartu [3] seggt se, dat Foot ümdüüdt is ut öller food (wat dat sülve is as engelsch food).

De Saak mit Kindsfoot, dat kummt allens ut Holsteen, Mekelborg un Pommern. Gifft dat op disse Sied von de Elv noch en annern Woord? --::Slomox:: >< 00:13, 3. Feb. 2009 (CET)

In't Hambörgsche Idiotikon is dat Woord ok mit in, aver in all de Wöörböker von disse Sied Elv kunn ik dor nix to finnen. --::Slomox:: >< 00:28, 3. Feb. 2009 (CET)

Ik kann mi düster entsinnen, dat uns Mudder fröher mol wat vun en "Wekenvisite" seggt hett, ween en Mudder frisch na de Geboort besöcht worrn is. Ik nehm mol an, dat dorbi ok dat Kind togegen weer... dat anner Woort kenn ik nich. --Iwoelbern 00:32, 3. Feb. 2009 (CET)

Grimm seggt, dat Mensing Wekenvisit ok kennt. Dat geit also an. --::Slomox:: >< 02:30, 3. Feb. 2009 (CET)

Vondaag warrt dor ja Baby-Pinkeln to seggt, aver dat is ja nich ganz dat sülve, dor steit ja wohrschienlich en Traditions-Abbruch twischen. Trurig, wenn de olen Gebrüük verloren gaht un denn een Generation later dör weichgespülte Versionen von desülven Brüük ersetzt warrt. --::Slomox:: >< 02:39, 3. Feb. 2009 (CET)

Dat is jo nu eher en "Gegenveranstalten" ;-) Dor draapt sik jo man de Lüüd bi'n Vadder un stööt op dat Kind an. --Iwoelbern 08:29, 3. Feb. 2009 (CET)

Dat liggt ja vör allen dor an, dat de Mudder nich in is. Fröher kunn de Heevamm all Hülp gebruken, aver vondaag köönt se de Naverschen in'n Kreißsaal nich mehr gebruken ;-) Ik dee dorüm 'Ersatz' seggen un nich 'Gegenveranstaltung'. Aver Recht hest du ja an sik. --::Slomox:: >< 17:30, 3. Feb. 2009 (CET)

Man finnt even jümmer wedder'n Grund, sik 'n Kööm intoschenken... --Iwoelbern 17:34, 3. Feb. 2009 (CET)

Lemma

Wat ik jüst seh: Schall dat nich op dat richtige Apostroph schaven warrn? --Iwoelbern 17:36, 3. Feb. 2009 (CET)

Daan. --::Slomox:: >< 18:00, 3. Feb. 2009 (CET)