Diskuschoon:Jesus Christus

Jesus Christus un Jesus vun Nazaret

Ik meen, hier mütt wi bi gahn. De beiden Begrepen sünd hier dör'nanner smeten. De Forschung geiht, nich eerst siet Rudolf Bultmann, dor vun ut, dat dat amenne twee verscheden Saken sünd: Jesus vun Nazareth is de Minsch, de in Fleesch un Bloot mank de Joden un Römers leevt hett un an't Krüüz slahn wurrn is. Vun em gifft dat nich veel Tüüchnisse, vunwegen dat in dat Nee Testament bloß man Jesus Christus en Rull speelt. Dat is de Christus, an den de Christenheit gloven deit. He hett sik vun den histoorschen Jesus to'n Deel ganz aflööst un sik verbunnen mit Ideen ut ganz annere Glovens un Philosophien, as Gnosis un Mysterienreligion, man he is ok torecht snittjert wurrn na Wöör vun de Profeten ut dat Ole Testament. Ik meen, in düssen Artikel schöllt wi Jesus Christus dorstellen, so as he vun den Gloven (as Gott sien Söhn, as Messias, as Minschensöhn, as Gott sien Woort etc.) annahmen warrt. In den annern Artikel Jesus vun Nazareth schöllt wi dor över schrieven, wat na de Wetenschop histoorsch vun em to griepen un to faten is. Dat is, vergleken mit den Gloven an Jesus, man minne. --Bolingbroke ✍ 12:58, 10. Sep. 2009 (CEST)