Diskuschoon:Harz (Middelbargen)

Vun Wikipedia
Zur Navigation springen Zur Suche springen

Schall dat nich beter ünner den plattdüütschen Naam stahn? Dat is Hoort. Seggt de Sass un warrt ok al bi Eyke vun Repgow in'n Sassenspegel so bruukt (as Hart). Ik weet jedenfalls kenen Grund, dat wi dor den hoochdüütschen Naam bruken schöölt. --::Slomox:: >< 17:12, 26. Okt 2006 (CEST)

Plattdütsch wörr beter. Bi uns hett dat Horz, ober villicht is hier een ut de Gegend un kann uns seggen, wat dor de Naam is.
Wo wi al dorbi sünd: Middelbarg hürt sik ok nich so goot an. Dat klingt so no een iengelten Barg, tellt jo ober to de „Mittelgebirge“ - wat künn man dorut maaken?--Iwoelbern 17:20, 26. Okt 2006 (CEST)
In en goden Deel vun'n Hoort snackt se gor keen Platt. Dor sünd in't 16. Johrhunnert Lüüd ut dat Erzgebirge inwannert. Bi'n annern Deel weet ik nich, wat se seggt. Wenn se Plattdüütsche sünd, mööt se egentlich Hart/Hoort seggen. Nu kann ik aver in't Internett kenen Bewies dor för finnen. Horz/Harz kannst fakener finnen bi plattdüütsche Texten. Aver dat bewiest ja ok noch nix, wenn dat nich ut'n Hart/Hoort/Harz/Horz/watokjümmer sülms kummt.
Jo, Middelbarg is nich good. Middelbargen is al wat beter. Middelgebirg is woll noch beter. Dat Woort Gebirg geev dat ok al in middelnedderdüütsche Tiet. Is denn dör den Bargmangel bi de Plattdüütschen woll ünnergahn. Hüüt warrt dat as Lehnwoort ut dat Hoochdüütsche fakener mal bruukt, wenn se vun'n Urlaub vertellt un keen good Platt Woort dor för hebbt. Dat ut de Sicht vun en Noordneddersassen. Bi de Plattdüütschen ut'n Süden, de waterscho sünd un de Waterkant nich kennt, mag dat Woort ok lebennig bleven hebben.
Wi bruukt würklich en Barg-Plattdüütschen, de uns helpt! --::Slomox:: >< 18:37, 26. Okt 2006 (CEST)
Bi us seggt se ok Horz. Dat Woort Hoort hebb ik noch nich höört. Un Hart is Hart, dat geiht nich. Ik meen: Horz, dat is de hoochdüütsche Naam plattdüütsch utspraken. Maakt wi bi Rocky Mountains ok nich anners. Ik meen, dat is o.k. Middelgebirg finn ik goot. Dat passt. ---Bolingbroke 20:04, 26. Okt 2006 (CEST)
To Repgow sien Tiet heet dat Hart. Dat steiht fast. --::Slomox:: >< 20:25, 26. Okt 2006 (CEST)
To dat Mittelgebirge noch mal. Ik heff noch mal nadacht. Na de Regeln to'n Luudwannel mutt ut middelnedderdüütsch gebirg neenedderdüütsch Gebarg warrn. Gebirg mutt also ut dat Hoochdüütsche kamen.
Villicht is de Fehler, dat wi unbedingt en Woort för Mittelgebirge hebben wüllt. Is dat överhaupt sinnvull, Barggruppen in Mittelgebirge un Hochgebirge intodelen? Nich mal de Engelschen hebbt en Artikel to dat Konzept Mittelgebirge. --::Slomox:: >< 17:10, 4. Nov 2006 (CET)
Kann aver ok en Fall vun isoleerte Assibilatschoon wesen, wo sik dat t eerst laat (also na Repgowens Tiet) tofällig to ts un dormit to z wannelt hett. --::Slomox:: >< 18:57, 15. Nov 2006 (CET)