Diskuschoon:Harnsch

Ik will man versöken hier de olen Naams von dat Riddertüüg en beten to sammeln (ut Schiller-Lübben un allgemeen Google Böker):

de Panzerbost warrt üm de Bost dragen (HD Brustpanzer)
de Harnsch warrt üm't Liev dragen (HD Harnisch), datsülve as Panzerbost, aver Harnsch kann ok allgemener bruukt warrn
de Platen sünd allgemeen Metallschieven, de afschirmt, faken synonym to Harnsch (HD Plattenharnisch)
de Pantser warrt üm't Ünnerliev dragen (HD ?)
de Ieserhood warrt op'n Kopp dragen (HD Helm)
de grusener is de Mantel ut Dook, de över'n Harnsch dragen warrt (HD Waffenrock)
de Kraag warrt üm den Hals dragen (HD Halsberge)
de Slapp hangt von'n Ieserhood daal, is faken ut Ledder un geiht över'n Nack (HD ?)
de Armwapen sünd Platen an'n Arm (HD Armpanzer, Armschiene)
de Beenwapen sünd Platen an't Been (HD Beinpanzer, Beinschiene)
de Wapenhanschen sünd Hanschen ut Metall (HD Kettenhandschuh, Panzerhandschuh)
de Rüstnis is dat hele Tüüg an'n Liev (HD Rüstung)
de Wapen sünd datsülve as Rüstnis

Ik will nich seggen, dat wi all disse Utdrück so bruken schöölt, aver wenn wi över Riddertüüg schrievt, denn schöölt wi uns - wo dat passt - en beten na disse Utdrück richten un nich jümmer na de hoochdüütschen Utdrück kieken. --::Slomox:: >< 20:23, 25. Sep. 2010 (CEST)[anter]