Diskuschoon:Gemeen Rier

Rier-Rie'e

Ik müch hier noch mol inwennen, datt ik meen, de Naam scholl anners schreven weern. Bestimmt warrt de Rier utspraken, man dat is de afslepene Form vun Riede => Rie'e. Ik meen, wi schöllt de Formen nich ganz uplösen un wi schöllt ok keen phoneetsche Schrievwiese inföhren. Ik schriev ok jummer Lüde, ofschoonst wi dat hier Lüer utspreken doot. Oder Freden, wat hier Freern utspraken warrt, oder beden, wat hier beern heet. Man wi wüllt ja ok, dat de Lüde annerwegens in Plattdüütschland lesen könnt, wat wi schrievt. --Bolingbroke ✍ 23:43, 1. Feb. 2010 (CET)

6 Johre later

Meist sess Johre later mütt ik mi hier noch mool mellen. Ik meen jummers noch, wi schollen Oortsnaams nich phoneetsch schrieven. Anners kaamt wi in'n Tüdel. Wi mössen denn ok Huer schrieven for Hu’e usw.--Bolingbroke ✍ 11:04, 26. Nov. 2015 (CET)

Ik häng nich an de Schrievwies. Mientwegen kann de geern anners ween. Aver för Rier hebbt wi tominnst en Born (Belegoortdatenbank von dat Neddersassische Wöörbook). Ik lööv, dat is nich good, wenn wi von en Schrievwies, de en Born hett, op en annere Schrievwies schuuvt, de keen Born hett. Wenn du aver en Born opdrieven kannst, denn köönt wi geern schuven. Ik kunn bi en gaue Söök nix finnen. Villicht maal de Gemeen oder den Heimatvereen Thänhusen fragen?

Weet een, wat dat mit Wuttelnrier op sik hett, wat in de Belegoortdatenbank vörkummt, aver ok hier? --::Slomox:: >< 11:29, 26. Nov. 2015 (CET)

Ik kenn Rie'e un weet ok, wie dat utspraken warrt. Dat liggt ja glieks bi us achter de Grenzen. Utspraken warrt dat just, as dat hier upschreven is: Rier. Dat Problem, wenn du Lüde fragen deist, is: Se spreekt dat ut, un de't upschrifft, schrifft, wat he höört hett. He schrifft also phoneetsch. Dat is en grundsätzlich Problem. De Lüde, de hüdigendags Platt snackt, wenn se oold sünd, könnt meist overhoop keen Platt schrieven oder lesen. Vundeswegen sünd de Datenbanken en Problem for de Schrievwiese vun Oortsnaams. --Bolingbroke ✍ 12:25, 26. Nov. 2015 (CET)