Diskuschoon:Göteborg

Herrjemineh! Wer hett dat denn nu wedder schreven? Scholl dat nich man doch lever so bestahn blieven, as dat vördem weer? Wenn jedeen anfangt, de Artikels nah den Dialekt vun sien Heimat to öberarbeiden, denn kaamt wi ja to anners nix...

Ach ja. Un noch wat: Bestüür finn ik een schöön Woort. Gefallt mi veel better, as düt afsünnerliche Regeeren. Dat lett jümmers so, as afsneden, bloß weil dar partout keen -ung achternan stahn schall. Also:Bestüür is wunnerbar. Man wat ik geern weten wull is, of dat direkt ut de nedderlannsche Spraak öbernahmen is, oder gifft dat eenerwegens eenen plattdütschen Dialekt, wo dat so bruukt warrt?84.137.116.111

Dat is nich uut dat nedderlänske üöwernommen men een Deel van't Mönsterlänske. Et is vlicht daoto te seggen dat dat sweedsche Woord styrelse ja auk een Biätken so uutseit. HarriLeim

Bestüür finn ik nich goot. Dat Woort "Regeren" warrt faken bruukt. Bestüür harr ik nienich höört. Wi schüllt man dat bruken, wat överregional to verstahn is. Hartlich Gröten,HeikoEvermann 11:13, 12. Jun 2006 (UTC)

Dor kann een öber strieden!Ji bruukt ja ok faken dat Woort Orlog, statts Krieg. Dat is ok nedderlannsch. Dor hett dat Oorlog. In't 16.Jahrhunnert weer düt Woort ok bi us begäng, man hüdigendags seggt de Lüde Krieg. Man worüm schall dat nich ok frömde Wöör geven? Bestüür heet op nedderlannsch bestuur. Wenn wi dor al bi sünd: De Wöör mit dat Enn -en, as Regeeren, Versammeln etc. dücht mi Kunstspraak. Mag ja angahn, datt dat in Delen vun Holstein so bruukt warrt, bi us seggt dat keen Minsch. Hier warrt de End-ung bruukt, as Regeerung, Wohnung, Krüüzung. Mag angahn, datt dat ut dat Hoochdüütsche öbernahmen is, man so warrt hier snackt. Ik meen ja bloß, weil du seggst, dat schall dor op keken weeren, wat öberregional to verstahn is...Mag aber ok angahn, dat kümmt vun de middelnedderdüütsche End-inghe. So is dat ok nedderlannsch: mit -ing an't Enn, so as beschaving, volharding etc.Bolingbroke

Ik weet nich, wokeen mit den Oorlog anfangen hett. Krieg weer beter. Dat Woort "Oorlog" is in grote Delen vun de plattdüütsche Welt nich mehr begäng. Wat de -ung-Wöör angeiht: dat gellt hier in Hamborg as Teken vun Missingsch. Dat is villicht nich etymoloogsch korrekt, aber so warrt dat hier ansehn. Dor denk ik mi, -en is beter as -ung. Du hest recht, -en is af un an 'n beten künstlich, aber -ung is noch künstlicher. Hartlich Gröten, HeikoEvermann 21:10, 12. Jun 2006 (UTC)