Diskuschoon:Frankfort an’n Main

Vun Wikipedia
Zur Navigation springen Zur Suche springen

Vun wegen den Naam: bi Schiller-Lübben ünner Mone finnt sik: Frankenfort uppe der Mone und Frankenfort up der Meine. --::Slomox:: >< 15:58, 2. Mär 2008 (CET)

Ok Hanse-Tieden?, denn laat uns dat man so laten, as dat is. Eastfrisian 19:56, 2. Mär 2008 (CET)
Frankfort up'n Main dö mi gefallen...Dor kann man ja ok mol en beten mit rumspelen. Of dat annahmen warrt oder nich, is denn noch en annere Sake. Man en Sprake verännert sik jummerlos un dor höört en beten Speleree mit to. Denn Main dö ik avers so laten. Mone is doch to gediegen, hööchstens, dat een unner dat Lemma Main schrieven deit: Hett in Hansetieden up Middelnedderdüütsch Mone heten...---Bolingbroke 20:46, 2. Mär 2008 (CET)
Intressant is ok dat en, Frankenfort. Ik seh dat so as Bolingbroke, en beten spelen mit Naams schall wesen. --::Slomox:: >< 23:14, 2. Mär 2008 (CET)
"Spelen" geiht as Begrünnen nah mien Dünken gar nich. Wi sünd hier bi Wikipedia un nich bi dat Utfinnen vun en Plaanspraak, so ünner dat Motto: :Wu harr sück de Hanse-Spraak entwickelt, wenn se nich ünnergahn weer. Villicht kunn ik ok noch wat finnen, wu de Germanen "Frankfurt" nömmt hebbt - un denn? Överdreben, ik weet. Eastfrisian 06:31, 3. Mär 2008 (CET)
Spelen is nich de Grund. De Grund is: Dat Hoochdüütsche hett mit sien Spraakimperialismus en brede Karv in de Geschicht vun dat Plattdüütsche haut. Disse Karv köönt wi nich wedder dichtmaken. Wi köönt aver över de Karv henweg anknütten un so de Karv wat weniger deep utsehn laten. Dat vun de Karv blot noch en Narv nablifft. Dat spelen is nu dat Knütten binnen. Ole Wöör wedder ruthalen is en ganz normalen Vörgang. Denk an de ganzen Fakspraken, de mit greeksche Fackwöör üm sik smieten doot. Pädophilie as Bispeel. De Greken hebbt so'n Woort nie kennt. Hett sik 1886 Richard von Krafft-Ebing utdacht (seggt de engelsche Wikipedia). Oder dat Turnier wat wi letzdaags harrn. Hebbt in de twete Hälft vun dat 19. Johrhunnert en poor Lüüd ut en middelhoochdüütsch Wöörbook utkuhlt un denn för dat moderne Äquivalent vun Riddertorneys bruukt, in'n Sport. Oder een, de mi ok gefallt: De Eesten hebbt för 'Verbreken' dat Woort roim. Dat hett sik Johannes Aavik utdacht. He meen, dat klüng so fein na Gewalt. Hett sik dörsett bi de Eesten. Bi de Hoochdüütschen ok nich anners. In dat 17./18. Johrhunnert geev dat en ganzen Hümpel Lüüd, de sik düütsche Wöör för Fremdwöör utdacht hebbt, Gesichtserker un Meuchelpuffer höört to de Bispelen, mit de sik över disse Versöök lustig maakt warrt. Oder Dachschnauber för Schosteen. Hett en wisse Poesie... Aver ok de Wöör Augenblick, Losung, Mundart, Verfasser, Vorwort stammt vun disse Indüütschversöök.
Allens en Fraag vun dat rechte Maat. Un dorvun, wat sik dörsetten kann un wat nich. Dorvun maak ik sone Henwiesen op de Diskuschoonssieden un denn seht wi, wo good de ankaamt. Welk sünd denn Meuchelpuffers un annere sünd Vorworte (haap ik tominnst, dat dor ok Vorworte bi sünd). --::Slomox:: >< 13:11, 3. Mär 2008 (CET)
Kann ik in'n Grunne achter stahn. En lebennige Sprake mutt wiedergahn un kann nich stahn blieven bi dat, wat in'n Momang dor is. Up de annere Siete: Us plattdüütsch Problem is, dat wi to wenig Snackers un besunners ok Schrievers hefft un eerst recht keen Scholen, wo de Lüde de neen Wöör un ok grammatischen Luftballons, de wi hoochflegen laat, överhaupt to sehn oder to höörn kriegt. Dor hett Eastfrisian natüürlich Recht mit, wenn he wohrschaut, dat wi us up en Spoor in't Afsiet manövreern doot, wenn wi nich uppasst. Dorüm stimmt dat: Allens en Fraag vun dat rechte Maat. Mol sehn.., as de Kaiser jummers seggt...---Bolingbroke 13:51, 3. Mär 2008 (CET)