Diskuschoon:Dallas (Mehrdüdig Begreep)

Denn Sinn vun düt Lemma begriep ik nich. An un for sik is en Gavelsiet doch nödig, wenn en Begreep mehrdüdig is. Denn weer dat hier avers so, dat een, de wat söken deit, eenfach Dallas in gifft. Un denn warrt he dörverwiest na de Gavelsiet. Un denn kann he overleggen, wat for'n Aart Dallas he meent harr. Man dor kummt doch numms, de düsse WP nich goot kennt, un geiht bi un gifft Dallas (Mehrdüdig Begreep) in. Vundeswegen: Schuven na Dallas, un de Hööftstadt vun Texas mit'n Tosatz versehn....--Bolingbroke ✍ 10:15, 31. Okt 2012 (CET)

An sik bün ik jo ok jümmer dorför, Gavelsieten ahn Klammertosatz to maken. Aver wenn een vun Dallas snackt, denn is to 99% de Grootstadt in Texas meent (de Hööftstadt heet Austin). Ik heff ok keken, wat annere Wikis nehmen doot: Dor maakt de grote Mehrheit de Gavelsiet ok över den Klammertosatz. Un denn hebbt wi hier bit nu 13 Lenken op Dallas aver noch keen op Dallas (Texas). Ok dat wiest, dat de Stadt in Texas dat eerste is, woran dacht warrt. Ik holl dor nümms vun af, dat anners to maken, aver seh dorin keen Vördeel… --Iwoelbern ✍ 10:38, 31. Okt 2012 (CET)