Diskuschoon:Bornbössel

Intressant is, dat de Oort in dat Johr 1380 up dem borne heten hett. Dat bedutt ja woll, dat sien Naam nix mit den Baarn (=Boor) to kriegen hett, man mit den Born. In't Wapen sütt dat anners ut...To fragen is, ob de Naam denn nich beter Bornbössel schreven weern schall?---Bolingbroke 15:26, 20. Mär 2008 (CET)

Op de Websteed vun de Gemeen steiht wat to’n Naam to lesen. Dor seggt se nipp un nau, dat de Naam vun’n Boor afledd is. Worüm de Oort fröher as up dem borne betekent worrn is, is aver wohrlich seltsom... --Iwoelbern 15:33, 20. Mär 2008 (CET)

Ik fang dor noch mol wedder vun an: In miene Naamslist (ut'n Landkreis tostüert) staht de dree Naams Barnbössel, Bornbössel un Barmbössel in dree verscheden Mundarten. Ik glööv, dat weer Slomox siene Idee, dat up Baarnbössel to ännern. Vunwegen dat dat denn övereen stimmt mit Baarnborg etc. Man nu lett dat doch so, as wenn de Grundform just eben nix mit den Baar to kriegen hett, man mit den Born. Dor möss dat Bornbössel üm heten. Ik meen, wi mütt den Naam verschuven, anners bringt wi de ganze Sake up en verkehrte Spoor...---Bolingbroke 11:00, 26. Mär 2008 (CET)

Wenn nu aver doch de Gemeen sülvst seggt, dat dat vun Boor/Baar afleidt is... --Iwoelbern 13:29, 26. Mär 2008 (CET)

Dat is ganz gewiß Volksethymologie, dor schollen wi nix op geven. En Born warrt ja ok gor nich angeven...---Bolingbroke 13:59, 26. Mär 2008 (CET)

Dat mag wesen, man en Born hebbt wi ok nich, blots ’n Vermoden. Villicht schüll man dor tomindst mol anfragen bi de Gemeen, wat seker se sik sünd, mit jemehr Naamshistorie. Tomindst schulln de weten, wanneer dat Wapen inföhrt worrn is. --Iwoelbern 14:05, 26. Mär 2008 (CET)

Dat Wapen stammt bi Dörper meist jümmer ut dat 20. Johrhunnert. Op de Siet op de Websteed vun Baarnbössel, op de ok dat mit up dem borne vun 1310 steiht, steiht en Stück wieder ünnen denn, dat de hüdige Naam Baarnbössel vun Bardingeburstalla vun afkummt. Un dat kummt wohrschienlich vun Bardo sien Lüüd ehr Buurstell/Buursteed. Dat passt nu nich besünners good to up dem borne. Villicht is up dem borne mit'n hüdigen Naam gornich verwandt? Villicht is up dem borne sogor en ganz annern Oort un de Idee, dat up dem borne Baarnbössel is, stammt ut de Tiet, as se noch an de Geschicht mit'n Boor glöövt hebbt? Nich, dat ik jem dat Jubiläum verdarven will, aver richtig tohooppassen doot de Naams nich, solang dor nich en Oorkunn vördag kummt, wo up dem borne edder bardingeburstalla genômet insteiht. --::Slomox:: >< 15:14, 26. Mär 2008 (CET)

Denn blifft jummers noch, dat in miene Listen de Naam Baarnbössel nich innesteiht, man bloß de Naams Barnbössel, Bornbössel, Barmbössel. Ik meen ja bloß, wi könnt nich eenfach een neen Naam utfinnen, wenn dat plattdüütsche Naams gifft. Wi hefft ja sunst ok de Regel, wi hoolt us an dat, wat vör Oort gellen deit...---Bolingbroke 15:27, 26. Mär 2008 (CET)