Diskuschoon:1000 v. Chr.

Disse Artikel gefallt mi nich. Wat hier nu insteiht, dat sünd allens Saken, de nich in dat enkelte Johr 1000 v. Chr. wesen sünd, man "üm un bi 1000 v. Chr." So'n Kraam höört aver in'n Artikel över dat 10. Johrhunnert v. Chr. Gifft dat överhaupt Saken, bi de bekannt is, dat se exakt 1000 v. Chr. wesen sünd? --::Slomox:: >< 23:48, 28. Aug. 2012 (CEST)

Je wieter dat torüch liggt, ümso weniger warrt dat mit de Saken, de exakt bekannt sünd. Gefallen deit mi dat so ok nich, man de Saken, de nich nipp un mau bestimmt sünd, mööt opletzt ok ennerworrns stahn.'n egenen Artikel dorför maakt ok nich veel Sinn. Wat is dien Vörslag, wat en doon schüll? --Iwoelbern ✍ 10:00, 30. Aug. 2012 (CEST)

Wi hebbt hier in'n Artikel to'n Bispeel den Anfang von de Iesentied in Grekenland in. Dat is aver ja nich so, dat an'n 17. April 1000 v. Chr. en finnigen Greken seggt hett: "Heureka, nu heff ik dat Iesen funnen! Von'n 18. April af an fangt wi an, uns Kraam von Iesen to maken!" Dat is ja man blots ganz groff de Tied, in de sik dat Iesen so ganz bilütten in Grekenland dörsett hett. Dat hett villicht al 1050 v. Chr. anfungen un weer eerst 950 afslaten.

In den Artikel 1000 v. Chr. schöölt blots Saken rin, von de wi weet, dat se twüschen 1. Januar 1000 v. Chr. un 31. Dezember 1000 v. Chr. wesen sünd. Un wenn dat nix gifft, wat ganz wiss in disse Tied schehn is, denn bruukt wi gorkeen Artikel to dit enkelte Johr.

De Info, dat in Grekenland de Iesentied losgüng, kann in de Artikels 10. Johrhunnert v. Chr. oder 1. Johrdusend v. Chr. rin. --::Slomox:: >< 11:32, 30. Aug. 2012 (CEST)