Dieter Diekmann

Dieter Diekmann (* 1940 in Builefeld; † 18. September 1999 in Baukem) weer en düütschen Politiker von de CDU.

Diekmann is 1940 in Builefeld boren un hett von 1960 bet 1964 Rechts- un Staatswetenschoppen an de Universitäten Marborg, Lausanne, Kiel, Luxemborg un Mönster studeert. He weer Eersten Biornten in Üele, von 1975 af an Kreisdirekter in’n Kreis Höxter un 1980 bet 1987 Böverkreisdirekter von’n Landkreis Stood. Von Juni 1987 bet Mai 1995 (dor is dat Amt afschafft worrn) weer he Böverstadtdirekter von de Stadt Bonn. Na de Tied as Stadtdirekter weer he von Dezember 1995 af an Manager bi de Deutsche Bau- und Grundstücks AG.

Diekmann is an’n 14. Juni 1999 wegen Verdacht op Untreue, Bedrog un Stüürhinterziehung verhaft worrn. Dat Landgericht Baukem hett em in’n November 1999 vörhollen, dat Diekmann allens tohoop 350.000 Mark Smeergeller von’n Bonner Bodreger Berthold Kaaf kregen hebben schall un em as Gegendeenst Opdrääg geven hett. För de Geller sünd ok keen Stüürn betahlt worrn. Diekmann hett sik in de U-Haft sülvens ümbröcht. To en Verfohren is dat dorüm nich mehr kamen.

Diekmann weer verheiraadt mit sien Fro Barbara Maria.

Weblenken

Rhein-Zeitung online: Der Fall Diekmann (hoochdüütsch)