Derek Parra
.jpg)
Derek Parra (* 15. März 1970 in San Bernardino, Kalifornien) is en US-amerikaansch Iesflinklöper.
He wunn bi de Olympisch Winterspelen 2002 in Salt Lake City de Goldmedaille över 1500 Meter un de Sülvermedaille över 5000 Meter achter Jochem Uytdehaage ut de Nedderlannen.
Parra weer Weltmeester bi’t Inlineskating, is denn aber to’n Iesflinkloop wesselt, wiel Inlineskating nich olympisch weer. In de Saison 2001/2002 harr he den meesten Spood. Neben de Gewinn vun de beid Olympisch Medaillen harr he ok för en körten Tiet den Weltrekord över 5000 Meter un bi de Allroundmeesterschapen keem he up Platz 3.
He hett ok an de Olympisch Winterspelen 2006 in Turin deelnommen, keem aber över 1500 Meter blots up den 19. Platz.
He leevt in Orlando (Florida), is verheiraadt un hett een Dochter. 2010 weer he Trainer vun Catherine Raney-Norman.