Demoster Kreisblatt

Vun Wikipedia
Zur Navigation springen Zur Suche springen

Dat Demoster Kreisblatt (hoochdüütsch Delmenhorster Kreisblatt) is een Daagbladd, dat in Demost un ümto in Delen vun de Landkreise Ollnborg un Deefholt vun Maandag bet Sünnavend in’n Verlag RIECK GmbH & Co. KG rutkummt. De Oploog liggt bi 20.148 (IVW QIII/2007) un dat Mantelbladd kummt vun de Bremer Tageszeitungen AG. Sünndags gifft dat dat Kreisblatt am Sonntag. Rutgevers sünd Dirk Schulte Strathaus un Frank Dallmann. De Baas vun de Redaktion is Ralf Freitag. Dat Bladd höört de Familie Rieck to un to dat Ünnernehmen höört ok en Druckhuus, dat ok för annere Daagbläder druckt.

Siet 1978 hett dat Demoster Kreisblatt lokale Narichten op de Titelsied. Siet 1. Februar 2008 gifft dat ok en egen Utgaav för Gannerseer un den Landkreis Ollnborg. Ok dor staht denn de lokalen Narichten ut Gannerseer op de eersten Sieden. An’n 3. November 2008 is dat Titelbladd vun de Gannerseer Utgaav to de Plattdüütsche Week kumplett ok Plattdüütsch rutkamen. Platt maakt worrn sünd de Narichten vun Helga Maria Christoffer.

Weblenken[ännern | Bornkood ännern]