De Moorkatenoper

Vun Wikipedia
Zur Navigation springen Zur Suche springen

De Moorkatenoper is en Theaterstück in dree Törns för söss Personen (twee Froonslüüd, veer Mannslüüd), dat Gerhard Loew ünner den Naam Grattleroper op Baiersch schreven hett. De Musik is vun Peter Michael. Heinrich Schmidt-Barrien hett de Oper 1982 op Plattdüütsch översett un den Naam Moorkatenoper geven.

De baiersche Version is in’n November 1978 op de Iberl-Bühne in Solln dat eerste Maal opföhrt worrn. De NDR hett dat Stück bi dat Ohnsorg-Theater opnahmen un an’n 13. Januar 1990 dat eerste Maal in’t Feernsehn wiest.

De Söhn vun de arme Moorbuurnfamilie is doodbleven. De Ümstänn sünd mysteriös. Weer dat en Unfall, weer dat en Moord oder hett em eenfach blot een bi’t Wildern faatkregen un korten Prozess maakt? Marie, de Dochter vun de Familie denkt, dat dat Moord weer un will rutkriegen, ’keen dat weer. Helpen deit ehr dor en Ketelflicker bi, de sülvst ünner Verdacht kamen is.