Davide Zappacosta

Vun Wikipedia
Zur Navigation springen Zur Suche springen

Davide Zappacosta (* 11. Juni 1992 in Sora) is en italieensch Footballspeler. De Afwehrspeler steiht aktuell bi den FC Chelsea ünner Verdrag (Stand 2018).

Speelwies[ännern | Bornkood ännern]

Zappacosta speelt vörwegend as Rechtsverteidiger, kann allerdings wegen sien Snelligkeit un Flankenlööp ok as rechter Middelfeldspieler insett wurrn. He gellt as good Flankengever un bannig offensiv instellt Afwehrspeler.

Karriere[ännern | Bornkood ännern]

Vereen[ännern | Bornkood ännern]

Zappacosta fung mit dat Footballspelen 1998 in de Jöögdafdeelen van de ASD GC Sora, den Vereen van sien Gebortsstadt, an. Nah teihn Johren hett he sück den Junioren van AC Isola Liri anslooten, för de he tweeenhalf Johr aktiv weer. All in dat Öller van 17 Johren geev Zappacosta sien Debüt för de eerst Mannschap van Isola Liri in de Lega Pro Seconda Divisione un keem ok dornah regelmatig to'n Insatz. Insgesamt hett he 14 Partien för Isola Liri maakt un dorbi een Door schaaten.

To'n 1. Januar 2011 is Zappacosta to Atalanta Bergamo wesselt. Dor speel he en half Johr in de Jöögd, nich in Mannlüüdberiek as bi Isola Liri. In' Sömmer 2011 wurr he denn in den Profikader upnommen, aber ok direkt an de AS Avellino 1912 in de Lega Pro Prima Divisione utlehnt. Bi de Lupi kunn sück Zappacosta sofort dörsetten un wurr glieks Stammspeler. Nah sien good Leistungen kunn Avellino Zappacosta in' Rahmen vun en Comproprietà vun Atalanta verplicht wurrn, de de Hälft vun sien Transferrechte kreeg. In de Speeltiet 2012/13 gelung denn de Upstieg in de Serie B. In sien eerst Tweetligasaison hett Zappacosta mit Avellino dat schafft de Klass to hollen.

Nah dree Johren bi Avellino, in de Zappacosta 83 Ligaspelen maakt hett (3 Doren), hett Atalanta Bergamo Zappacosta verplicht, indem man de vör twee Johren afgeven Hälft van de Transferrechte torüchköfft hett. An' 31. August 2014 geev Zappacosta sien Debüt in de Serie A för Atalanta un wurr glieks Stammspeler up de Rechtsverteidiger-Positschoon in de Speeltiet 2014/15. An dat Enn' van de Saison, in de he 29 mal för de Nerazzurri upleep, kunn he mit Atalanta den Klassenverbliev fiern.

An' 10. Juli 2015 geev de FC Turin de Verplichtung vun Zappacosta bekannt, de Atalanta Bergamo nah en Johr för 5,5 Millionen Euro verleht. Bi de Granata sull he den to Manchester United wesselt Matteo Darmian as Rechtsverteidiger ersetten.

To’n 1. September 2017 hett he bi den engelschen Vereen FC Chelsea anhüert.

Natschonalmannschap[ännern | Bornkood ännern]

Zappacosta is eerst mit de U-21 Natschonalmannschap internatschonal uploopen. Van 2013 bit 2015 hett he dorbi 17 Partien bestreeden. Intüschen hett he ok 9 A-Lännerspelen för Italien maakt (Stand: 10. Mai 2018).

Weblenken[ännern | Bornkood ännern]