Daniel Deußer

Vun Wikipedia
Zur Navigation springen Zur Suche springen
Daniel Deußer 2018
Daniel Deußer mit Evita van de Veldbalie bit dat Internatschonale Pingstturnier in Wiesbaden 2013

Daniel Deußer (* 13. August 1981 in Wiesbaden)[1] is en düütsch Springrieder.

Deußer befunn sück in' Juni 2013 in de Springrieder-Weltranglist vun de FEI up Rang 27.[2]

Sportlich Werdegang[ännern | Bornkood ännern]

Daniel Deußer stammt ut en Riederfamilie. He fung in den Stall vun sien Unkel (den ehmalgen Hessischen Meeester Helge Deußer) mit den Rietsport an. In dat Öller vun 15 Johren hett he eerstmals en Springprüfung vun de swoor Klass wunnen.

Daniel Deußer fung sien Lehre to'n Peerwert in den Stall vun Siegfried Herröder,[3][1] den Vader vun Angelina Herröder an. Enn' 2001 kreeg he vun Franke Sloothaak dat Angebot, bi hüm as Berieder to arbeiten. Bi de Europameesterschapen vun de Jung Rieder (Öllersgrupp 19 bit 21 Johr) fier Deußer 2002 mit den veerten Platz in de Mannschapswertung sien eersten grooten internatschonalen Spood.

Över Sloothaak kreeg he ok Kuntakt in den Stall vun Jan Tops. In de sien Hannelsstall in dat nedderlannsch Valkenswaard wurr he af Sömmer 2006 Berieder un hett dormit de Nahfolge vun Steve Guerdat antreden.[4][5]

2007 kunn he mit Erfolgen in Springprüfungen bi CSI 5*-Turnieren, so to'n Bispeel en sössten Platz in den 5-Steerns-Grand Prix in Valkenswaard un en Sieg in' Königscup in Madrid, to de Tipp vun de Weltklass vun de Springrieder upsluuten. Sien gröttsten Erfolg bit dorhen weer de tweete Platz in dat Weltcupfinale 2007.

Bi den CSIO 5* Hickstead 2010 hett Deußer eerstmals, ünner Führung vun Equipechef Sönke Sönksen, en Natschonenpries vun de Öllersklass „Reiter“ för Düütschland bestreeden.[6] Upmarksomkeit hett Deußer kreegen, as he bi den CHIO Aken 2010 den tweeten Umloop vun den Grooten Pries recken dee, dor aber mit Caballero an en Hindernis den (düütlich höhgeren) Fangständer statt de Stangen överwunn un somit utscheeden dee.[7] Neben de Peer vun Jan Tops hett Deußer ünner annern de Peer vun Athina Onassis to Korrektur reeden.[8]

To Enn' April 2012 hett Deußer den Stall vun Jan Tops verlaaten. He hett de Nahfolge vun Nina Fagerström as Berieder bi de Stephex Stables in dat belgisch Wolvertem antreden. Deußer truck hier mit sien Levensgefährtin, de Dochter vun Eric Wauters, tosommen; todem hett he en nee Herutfordern söcht.[9] De eerste Johreshälft vun 2013 verleep för Deußer spoodriek. Kröönt vun sien Sieg bi de Düütsch Meesterschapen mit Cornet d'Amour.

Wat he schafft hett[ännern | Bornkood ännern]

Championate un Weltcup[ännern | Bornkood ännern]

  • Europameesterschapen:
    • 2013 in Herning: 2. Platz in de Mannschapswertung un 5. Platz in' Eenzel mit Cornet d'Amour
  • Düütsch Meesterschapen
    • 2013 in Balve: 1. Platz mit Cornet d'Amour
  • Weltcupfinale:
    • 2007 in Las Vegas: 2. Platz mit Air Jordan Z
    • 2014 in Lyon: 1. Platz mit Cornet d'Amour

Spoodriek Peer[ännern | Bornkood ännern]

Daniel Deußer mit Cornet d'Amour bi den Vienna Masters 2013
Daniel Deußer mit Cabreado S.E. bi dat Championat vun Hamborg 2011 (CSI 5*)

aktuelle Turnierpeer[ännern | Bornkood ännern]

  • Cornet d'Amour (* 2003), Westfälischer Schimmelwallach, Vader: Cornet Obolensky, Modervader: Damiani; bit Mai 2012 vun Pedro Veniss reeden[10]
  • Evita van de Veldbalie (* 2004), bruun Belgische Warmblut-Stute, Vader: Wandor van de Mispelaere, Modervader: Clinton; bit Juni 2012 vun Eiken Satō reedenn[11]
  • Domingo (* 2003), Belgisches Warmblut, dunkelbruun Wallach, Vader: Thunder van de Zuuthoeve, Modervater: Brownboy; bit Juli 2011 vun Wim Vinckx reeden[12]
  • Mouse (* 1998), Selle Francais-Fuchswallach, Vader: Limbus, Modervader: Grundyman; bit März 2012 vun Nina Fagerstöm reeden[13]
  • Fyloe van het Claeyssenhof (* 2005), Belgisches Warmblut, bruun Wallach, Vader: Burggraf, Modervader: Heartbreaker; bit Mai 2013 vun Tom Verduyn reeden[14]
  • Tobago Z (* 2008), Zangersheider Fuchshingst, Vader: Tangelo van de Zuuthoeve, Modervader: Mr. Blue[15]

ehmalge[ännern | Bornkood ännern]

Weblenken[ännern | Bornkood ännern]

Commons-logo.svg Daniel Deußer. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. a b Kört-Biografie up fei.org
  2. FEI-Weltranglisten Springreiten
  3. Ein Hesse auf Erfolgskurs: Daniel Deußer ist der Shootingstar, Sabine Maurer / www.rhein-main.net, 29. Mai 2007
  4. Deutsche Reiterliche Vereinigung - Turniervorschau spezial
  5. Daniel Deußer ist der neue Star der Springreiterszene: Rasanter Aufschwung mit ein wenig Hilfe aus Holland, Birgit Popp für Die Welt, 4. Mai 2007
  6. Ergebnis Natschonenpries bi den CSIO 5* Hickstead 2010
  7. Video: CHIO Aachen 2010, Großer Preis - zweiter Umlauf, Ritt von Daniel Deußer mit Caballero
  8. Bemerkungen in: Jessica Kürten wieder auf dem Gipfel, Dieter Ludwig, 30. Dezember 2010
  9. Daniel Deusser verlässt den Stall Tops, St. Georg, 30. April 2012
  10. FEI-Peerdatenbank: Cornet d'Amour
  11. [1] FEI-Peerdatenbank: Evita van de Veldbalie
  12. FEI-Peerdatenbank: Domingo
  13. FEI-Peerdatenbank: Mouse
  14. FEI-Pferdedatenbank: Fyloe vh Claeyssenhof
  15. FEI-Peerdatenbank: Tobago Z
  16. FEI-Peerdatenbank: Caballero 84
  17. FEI-Peerdatenbank: Cabreado S.E.
  18. FEI-Peerdatenbank: Pristanna
  19. FEI-Peerdatenbank: Upsilon d’Ocquier
  20. afropen an’ 9. Juni 2013 http://old.fei.org/s/results/online/results_cai/display_horse_res.htm?horse_name=UPSILON%20D%E2%80%99OCQUIER&FEI_pass_no=BEL10593&nf=GER&year_from=2003&year_to=2009 | titel=FEI-Erfolgsdatenbank Peer: Upsilon d’Ocquier}}
  21. FEI-Peerdatenbank: Verelst Curtis
  22. FEI-Peerdatenbank: Air Jordan Z
  23. http://old.fei.org/s/results/online/results_cai/display_horse_res.htm?horse_name=AIR%20JORDAN&FEI_pass_no=CAN02282&nf=GER&year_from=2003&year_to=2009 | titel=FEI-Erfolgsdatenbank Pferde: Air Jordan Z}}
  24. Air Jordan Z nach Italien verkauft, St. Georg, 22. Dezember 2011
  25. FEI-Peerdatenbank: Aboyeur W
  26. http://old.fei.org/s/results/online/results_cai/display_horse_res.htm?horse_name=ABOYEUR%20W&FEI_pass_no=GER21114&nf=NED&year_from=2003&year_to=2009 | titel=FEI-Erfolgsdatenbank Pferde: Aboyeur W]
  27. Artikel "Aboyeur W und Ornella künftig bei Gianni Govoni" van’ 14. Dezember 2009