Daallicht

Dat Daallicht, ok Halflicht oder Afblendlicht, is en Part van de Belüüchten van Fohrtügen. Dat Daalicht is för jeder een Plicht un mutt ’s nachts in de Düüsternis, in Tunnels un wenn et buten to diesig un schemmerg is, man ok bi Regen un Snee, anmaakt werrn.

Anners as dat Standlicht un dat Dagfohrlicht, wölke en blot anmaakt, dat de Anneren en beter süht, is dat Daallicht ok nödig in’r Düsternis de Straat to belüüchten.

Dat Daallicht draff de Autofohrers, de en längs tomööt kümmt, nich blennen. Anners is dat bi’n Wietlicht, dat wat kräftiger lüücht.

Funktschoon

Symbol för dat Daallicht up den Brukelboord

Das Daallicht bruukt een de Fohrbahn vör de Fohrtüüg ut to lüüchten un ok dat annere Fohrers een in de Düüsternis seht. De Smietlüüchter van Kraftfohrtügen het ok noch en Standlicht, dat jümmer to an’n lüüchten is. Up düüse Manier seht de Verkehr, de in’e Mööt kümmt dat Fohttüüg ok wenn dat Daallicht in’n Dutten is.

Anners as dat Wietlicht, dat so wiet as dat angahn kann lüücht, is de Pläck de van’n Daalicht belüücht werrt wat lütter, up dat de Lichter de Anneren in’n Verkehr nich blennet.

Vandage belüücht dat Daalicht de Staat normalerwiese asymmetrisch. In Lännern, wo de Autos up’r rechten Sied fohrt is ok de rechte Sied kräftiger belüücht. In Lännern mit Linksverkehr strahlt dat Smietlicht linkerhand kräftiger. Up düsse Oort blennet da Licht de Fohrtügen, de in de Mööt kümmt, minner. Man togliek is de Stratenkant good noog belüücht, Footgänger, Raadfohrers un ok Wild to sehn.

Literatur

Rudolf Hüppen, Dieter Korp: Autoelektrik alle Typen. Motorbuchverlag, Stuttgart 1968, ISBN 3-87943-059-4
Norbert Adolph: Autoelektronik / Grundlagen und Bauvorschläge. 1. Oplaag, Verlagsgesellschaft Schulfernsehen, Köln 1979 ISBN 3-8025-1128-X
Jürgen Kasedorf, Richard Koch: Service-Fibel für die Kfz-Elektrik. 15. Oplaag, Vogel Buchverlag, Würzburg 2007, ISBN 978-3-8343-3098-7