Cuxhavener Nachrichten

Vun Wikipedia
Zur Navigation springen Zur Suche springen
Seet von dat Bladd an’n Kaemmererplatz in Cuxhoben

De Cuxhavener Nachrichten sünd en Daagbladd, dat maandags bet sünnavends in de Stadt Cuxhoben un in Noordholt rutkummt. Rutgeven deit dat de Cuxhoben-Nedderelv Verlagssellschop mbH & Co KG, de Chefredaktör is Felix Weiper. De verköffte Oplaag leeg na IVW (Stand 1. Quartal 2017) bi 9857 Stück. De Verlag hett een Lokalredakschoon; de överregionalen Sieden warrt von de Redakschoonsgemeenschop Noordsee produzeert, de bi de Bremerhobener Nordsee-Zeitung sitt. De Verlag gifft blangen de Cuxhavener Nachrichten ok de Niederelbe-Zeitung mit Sitt in Oterndörp un de Wekenbläder Cuxhaven Kurier un Hadler Kurier rut.

Druckt warrt de Cuxhavener Nachrichten in dat Druckzentrum Noordsee in Bremerhoben (an de Autobahnopfohrt Geestmünn).

Historie[ännern | Bornkood ännern]

De Cuxhavener Nachrichten gaht op dree verscheden Bläder trügg: De Cuxhavener Allgemeine, de in’n Juli 1959 toeerst rutkeem, de Cuxhavener Zeitung, de in’n Oktober 1901 toeerst rutkeem, un de Cuxhavener Presse.

An’n 1. Juli 1970 sünd de Cuxhavener Allgemeine un de Cuxhavener Zeitung dör Fusion tohoopgahn un hebbt denn Neue Cuxhavener Zeitung heten. Mit’n 30. April 1976 hett dat en twete Fusion mit de Cuxhavener Presse geven. Sietdem hett dat Bladd den Naam Cuxhavener Nachrichten.

De Cuxhoben-Nedderelv Verlagssellschop mbH & Co KG is to’n Deel in Besitt von de SPD, de ehr Andelen an dat Bladd över de Medienholding DDVG höllt. Düsse Andeel an dat Bladd is de Partei tofullen, von wegen dat de Cuxhavener Presse en Parteibladd weer, dat de SPD to 100 % tohöört hett.

Oplaag[ännern | Bornkood ännern]

Jüst as vele annere düütsche Daagbläder hebbt de Cuxhavener Nachrichten in de vergangen Johren Oplaag verloren. Stand 1. Quartal 2017 liggt se bi 9857 Stück. 1998 weren dat noch 13.831 Stück.

Weblenken[ännern | Bornkood ännern]