Curie (Eenheit)
| Eenheit | |
|---|---|
| Norm | oolt |
| Naam | Curie |
| Grött | Aktivität |
| Eenheitenteken | Ci |
| Formelteken | A |
| nöömt na | Marie un Pierre Curie |
Dat Curie is en olle Eenheit vun de Aktivität vun en radioaktiven Stoff. To’n Övergang is de Eenheit noch bit 1985 bruukt worrn, aver dann is de ne’e SI-Eenheit Becquerel an de Steed peddt. Vundaag warrt dat Curie blots noch in de Warkstoffproov bruukt.
Defineert weer 1 Curie anfangs as de Aktivität vun 1 g Radium-226. Later is dat op ruchweg den glieken Weert vun 3,7·1010 Becquerel (= 37 GBq) fastleggt worrn.
Nöömt is de Eenheit na Marie un Pierre Curie, de in’t Johr 1903 tohopen mit Antoine Henri Becquerel den Nobelpries för Physik kregen hebbt för’t Opdecken vun de Radioaktivität.