Crips

Vun Wikipedia
Zur Navigation springen Zur Suche springen

De Crips sünd en vun de groten US-amerikaanschen Gangs. Se sünd an un for sik tohuse in Los Angeles in Kalifornien. De beiden annern groten Gangs sünd de Bloods un de Mara salvatrucha.

Hüdigendags sünd de Crip-Gangs ok in annere Länner to finnen, as in Süüdafrika un in de Nedderlannen. In Los Angeles deelt se sik noch mol in allerhand Ünnergruppen up un hefft den Drogenmarkt in düsse Stadt, tohopen mit de Bloods, in de Hand. Man midderwielen sünd ok annere Gangs upkamen, besunners latienamerikaansche. De Crips sünd unbannig brutal un regelmatig gifft dat blödigen Striet mank verscheden Crip-Gangs un twuschen Crips un Bloods. Hüdigendags sitt meist 100 Liddmaten vun de Crips un de Bloods in Kalifornien achter Trallen un tööft up jem ehr Henrichten.

Toeerst sünd de Crips en Stratengang ween. Raymond Washington hett jem in de 1960er Johren ünner den Naam „Baby Avenues“ upmaakt. Dat hett nich lang duert, denn is de Gang slankweg grötter wurrn un hett den Naam „Avenues Crips“ kregen. Cribs is Slang un heet so veel as Huus oder Butze. Vun düssen Utdruck kümt nu Crips vun her. Künnig weern kann een jem an jem ehr blaue Kledaasch. Snoop Dogg is en vun jem ehr beröhmtesten Mackers.

Verscheden Gangs vun de Crips ut Los Angeles:

  • Eight Tray Gangster Crips
  • Kelly Park Compton Crips
  • Sons Of Samoa (S.O.S.Gang)
  • Nutty Blocc Compton Crips
  • Neighbor Hood Crips
  • Tragniew Park Crips
  • Rollin' 20's
  • Rollin' 30's
  • Rollin' 60's
  • Rollin' 100's
  • Hoover Crips
  • Long Beach Insane Crips
  • Corner Pocket Crips
  • P.J. Crips