Conoy
De Conoy, ok Piscataway nöömt, werrn en Algonkin sprekend Indianerstamm, de Familie met de Lenni Lenape un de Nanticoke werrn.
Se hebbt twüschen Potomac River un de westlichen Küst vun de Chesapeake Bay leevt, dat hüütige Maryland, USA. Ut olle Upteken kann man sehn, dat se tomeist vun de Jaagd met Piel un Bagen up de faken vörkamenden Wilddeerten un Vagels vun jemehr Woonrebeet leevt hebbt. Jemehr Hüüs weern oval formt. In’t 17. Johrhunnert vun de Susquehanna ünner Druck sett, sünd de an Tall gau afnehmend Conoy an’n Potomac River langs flücht un keemen na binnere Pennsylvania. Met de Tiet tögen se an’n Susquehanna River langs un in 1765 keemen 150 Minschen vun jemehrn Stamm ünner de Herrschap vun de Irokesen in’n Süüden vun New York an. Mit de Mahican un Lenni Lenape, vun de se upnahmen weern, tögen se wieter na Westen.