Concordia Ihrhove
De SV Concordia Ihrhove is en Footballvereen ut Jiroov in Oostfreesland.
De Vereen is 1945 as SC Ihren–Ihrhove grünnt worrn un hett den 4. Oktober 1946 vun de britische Besatzung dat Okay för’t Indragen vun’n Vereen kregen. He weer de Nafolger-Vereen vun’n Vereen, de toeerst 1920 in Folmhusen grünnt worrn weer un 1930 mit’n neegrünnt Vereen ut Jiroov tohoopleggt worrn is. Vun 2001 af an bet 2006 harr de Vereen mit Sherif Touré sogor en Natschonalspeler. 2002 weren se ok in’n DFB-Pokal dorbi, hebbt aver in de eerste Runn gegen Borussia Dortmund 0:3 verloren.
Vun 1996 bet 2004 hebbt se in de Oberliga Neddersassen/Bremen un 2005/2006 in de Bezirksliga Noord speelt. 2006/2007 speelt Concordia Ihrhove in de Bezirksoberliga Weser-Ems.
Dat Stadion vun’n Vereen is dat Hindenburgstadion mit 6.000 Plätz.
Weblenken
[ännern | Bornkood ännern]- Websteed vun den Vereen (hoochdüütsch)
- Websteed vun de Football-Sparte (hoochdüütsch)