Christopher Rave

Christopher Rave (* 20. Februar 1881 in Hamborg; † 13. Januar 1933 ok dor) weer en düütsch Maler un Polarforscher as ok Perfesser.

Leven

Rave weer en bekannt, in Hamborg leven Schippsmaler. Tüschen 1900 un 1909 hett he de 8000 Johr vun de Seefohrtshistorie in 300 Biller tosommenfaat, de 1911 in Hamborg utstellt un ansluutend eenzeln verköfft wurrn. 1910 hett he dat Stranden vun den Laeisz-Fievmaster Preußen vör Dover an Bord mit beleevt. De Preußen weer mit en Damper kollideert.

As Kameramann hörr he to de Besatten vun dat Schipp Herzog Ernst, dat 1912 en Nordpolarmeer-Expeditschoon ünner de Führung vun Herbert Schröder-Stranz un Alfred Ritscher as Kapitän ünnernehm. Vun de 15 Besattensliddmaaten hebbt blots söben överleevt, dorünner ok Rave un de Geoloog Dr. Hermann Rüdiger, de vun Rave bi vull Verstand een Foot amputeert wurrn muss. Rave hett disse Expeditschoon ünner annern up en 35-mm-Film fasthollen. Nah sien Trüggkehr entstunn dorut en Speelfilm vun 90 Minüten Längt, de aber in den Wirren vun den Tweeten Weltkrieg överweegend verloren gung, as sowohl dat Archiv vun de UFA in Berlin as ok dat Atelier vun Rave in Hamborg utbombt wurrn. Um 2006 rüm wurrn enkeld Sequenzen vun rund acht Minüüt vun dat Filmmaterial in en Moskauer Archiv opdeckt, wohen se as dör Major Iossif Manewitsch beslagnahmt Kriegsbeute gelangt weern.

Christopher Rave hett sück an’ 13. Januar 1933 sülvst doodschaaten. Wegen en Krebserkrankung an’ Kehlkopp kunn he to de Tiet meest nich mehr snacken. Sien upwendig vun sien Schöler Valentin Kraus gestalt Graffmal befinnd sück up den Karkhoff Ohlsdörp.

Utteknungen

• um 1913: Rettungsmedaille vun de Hansestadt Hamborg

Warken (Utwahl)

Postkoorten-Reproduktschoon vun dat Bild vun de SMS Seeadler

• Bildnis eines Gelehrten mit aufgeschlagenem Buch, Ööl up Malkarton, 25,5 x 26,5 cm, 1906
• Dampfwalfangschiff im nördlichen Eismeer, Ööl up Lienwand, 60 cm x 100 cm, 1910
• SMS Seeadler, Öölbild vör 1924, ggf. mehrere Repliken
• Die brandenburgische Flotte vor Emden, Format 4,80 m x 3,50 m, in’ Besitt vun de Hamborger Kunsthall
• T.S. "CAP ARCONA" auf See, Ööl up Holt, 37 x 51 cm
• Altes Land im rötlichen Winterlicht, Ööl up Lienwand, 60 x 100 cm

Schriften

• Daagbook vun de verunglückt Expeditschoon Schröder-Stranz: mit Feerteeken vun den Verfaater, Schaffstein, Köln 1913
• Illustrationen und Fotos in: Hermann Rüdiger: Die Sorge-Bai: Aus den Schicksalstagen der Schröder-Stranz-Expedition, 46 Bilder und 5 Tafeln nach Zeichnungen und photographischen Aufnahmen Christopher Rave, Reimer, Berlin 1913, Nahdruck: Edition Fines Mundi, Saarbrücken 2007

Film

• Im ewigen Eis. Eine Fahrt ins Polareis, Filmdokumentatschoon vun de Expeditschoon, D 1913, ca. 90 Minüüt, meest all verschullen

Literatur

• Wolfgang Kayser (Hrsg): Vom Steinzeitfloß zum Ozeanriesen (8000 Jahre Seefahrt). Das Leben und Werk des Marinemalers Christopher Rave. Sülvstverlag, Hamborg 1988.
• Hans F. Schweers: Gemälde in deutschen Museen: Katalog der in der Bundesrepublik Deutschland ausgestellten Werke, De Gruyter Saur, München 1994, ISBN 978-3-11-121484-9
• Bénézit Künstlerlexikon
• Christopher Rave. In: Ulrich Thieme, Felix Becker u. a.: Allgemeines Lexikon der Bildenden Künstler von der Antike bis zur Gegenwart. Band XXVIII, E. A. Seemann, Leipzig 1934, S. 49

Weblenken

Biller vun Christopher Rave. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog
• ZDF Expedition: Fahrten ins Ungewisse: Verschollen vor Spitzbergen, Achtergrund Informatschonen to de TV-Sennen vun’ 6. April 2008 as ok in de Mediathek de Sennen as Video
• Frank Thadeusz: Harakiri im Polarmeer, in: Spiegel online - Eines Tages vom 5. April 2008
• NDR-Fernsehen: Lieb und teuer – Vörstellen vun dat Gemälde vun de SMS Seeadler, Video