Christoph Rippich

Christoph Rippich (* 9. Mai 1938 in Waldenburg, Slesien) is en düütschen Politiker von de SPD.

Rippich is 1938 in Waldenburg boren. Nadem de Familie na’n Tweten Weltkrieg ut Slesien verdreven worrn is, weer he op de Volksschool in Achem un dor ok op de Middelschool. 1955 hett he de Mittlere Reife maakt. He weer denn von 1955 bet 1958 in Bremen op de Verwaltungsschool un hett de eerste Verwaltungsprüfung maakt. He hett von 1958 bet 1982 in Bremen för den Binnensenater arbeidt. 1959 is he in de SPD rin. Sien Wehrdeenst hett he in de Johren 1959 bet 1960 maakt. 1965 is he Raadsherr in de Stadt Achem worrn un 1967 in de Gewerkschaft intreden. De twete Verwaltungsprüfung hett he maakt, nadem he von 1966 bet 1968 noch wedder op de Bremer Verwaltungsschool weer. He is 1968 Afornten in’n Kreisdag von’n Landkreis Veern worrn. Von 1968 bet 2006 weer he Börgermeester von de Stadt Achem un denn Ehrenbörgermeester. Von 1986 bet 1999 weer he Landraad von’n Landkreis Veern. Von’n 21. Juni 1982 bet 1998 (teihnte bet dörteihnste Wahlperiood) weer he Maat von’n Landdag von Neddersassen. In de 10. un 11. Wahlperiood is he över de Landslist in’n Landdag intagen un in de 12. un 13. Wahlperiood för den Wahlkreis Achem.

An’n 8. August 2006 hett Rippich dat Neddersassische Verdeenstkrüüz 1. Klass kregen.

He is verheiraadt.