Christian Dumont

Christian Dumont (* 19. März 1963 in Fourcatier; † 6. August 2021) weer en franzöösch Biathlet, Biathlontrainer un -funktschonär. Van 1998 bit 2007 weer he Cheftrainer vun de franzöösch Biathlon-Natschonalmannschap vun de Mannlüüd üm Raphaël Poirée.

Aktive Karriere

Christian Dumont weer för den Skivereen vun de Oortschap Longevilles-Mont-d’Or aktiv. He hörr to de Generatschoon, de tegen Enn’n vun de 1980er Johren den franzööschen Biathlon in de Weltspitze führ. He nehme erstmals an 1986 in Oslo an Biathlon-Weltmeesterschapen deel un keem in’n Sprint up Rang 58. Dat nächste Grootereignis weern de Olympisch Winterspelen 1988 in Calgary, bi denen Dumont weer in’n Sprint to’n Insatz keem un den 51. Platz belegg. De Weltmeesterschapen 1989 in Feistritz leepen mit Rang 25 wat beter; mit de Staffel keem he up den 8. Platz. Dornah folgten de spoodriekst Weltmeesterschapen 1990 in Kontiolahti un Oslo för Dumont. In dat Eenzel keem he up Rang 11, mit de Staffel wunn he as Startlöper an de Siet vun Xavier Blond, Hervé Flandin un Thierry Gerbier de Sülvermedaille un todem mit Stéphane Bouthiaux, Flandin un Gerbier Bronze mit de Mannschap. De Weltmeesterschapen 1991 in Lahti leepen bedüüdend slechter. Dumont wurr in’t Eenzel 22. , in’n Sprint 37. as ok mit Blond, Gilles Marguet un Flandin Staffel-Sösst. In dat Mannschapsrennen wurrn hüm Stéphane Bouthiaux un Patrice Bailly-Salins vörtrucken. Bi de Olympisch Winterspelen 1992 in Albertville keem Dumont up ähnlich Resultat: Rang 42 in‘n Sprint, 13 in‘t Einzel un Platz söss mit Xavier Blond, Thierry Gerbier un Hervé Flandin in dat Staffelrennen. Sien letzt internatschonale Meesterschap wurrn de Weltmeesterschapen 1993 in Borowetz. Dumont keem dorbi in’t Eenzel up Rang 38 un mit Blond, Bailly-Salins un Lionel Laurent as Slusslöper vun de Staffel Acht. In dat Mannschapsrennen keemen de jüngeren Gilles Marguet, Thierry Dusserre un Lionel Laurent an de Siet vun den erfohren Blond to’n Insatz un wunnen ahn Dumont Bronze. In‘n Biathlon-Weltcup is he tüschen 1984 un 1994 regelmatig antreeden, hett aber kien nennenswerte Ergevnisse harrt. 1994 kunn he sück för de Olympisch Spelen nich mehr qualifizeeren un hett nah de Saison sien Loopbahn afslooten.

Trainer un Funktschonär

Nah sien aktiven Karriere hett Dumont as völ Biathleten vun sien Generatschoon Karriere bi den franzööschen Biathlonverband maakt. Af 1994 hett he eerst de Militär-Mannschap betrüet, bevör he to de Saison 1998/99 an de de Siet vun den Scheettrainer Jean-Pierre Amat de franzöösch Natschonalmannschap vun de Mannlüüd as Cheftrainer övernehm. Ünner Dumont wunn Raphaël Poirée veermal den Gesamtweltcup, söben Mal bi Weltmeesterschapen un insgesamt 43 Weltcup-Rennen. Todem wurr de franzöösch Staffel 2001 Weltmeester un Vincent Defrasne 2006 Olympiasieger. Mit den Rückträe vun Poirée to dat Enn’n vun de Saison 2006/07 hett ok Dumont sien Amt as Natschonaltrainer an Stéphane Bouthiaux afgeeven un wurr sportlich Leiter vun de Natschonalmannschapen. As disse Posten 2011 afschafft wurr, hett he de Koordinatschoon vun de franzöösch Rennserien in’n Biathlon övernommen. Dat Amt harr he bit to sien Dood inne.

Persönliches

Christian Dumont weer verheiraadt un harr dree Kinner. Sien Söhn Clément weer ebenfalls as Biathlet aktiv. Wiels sien Trainerkarriere leev he in Chamonix-Mont-Blanc un af 2011 in de Provence, wo he mit sien Fru en Ferienunterkunft bedreev.

In‘n August 2021 is Christian Dumont in dat Öller vun 58 Johren wiels en Fohrradtour an de Folgen vun en Hartinfarkt storven. He wurr in Vaison-la-Romaine bisett.

Weblinks

• Christian Dumont in de Datenbank vun de IBU
• Christian Dumont in de Datenbank vun Olympedia.org (engelsch)
• Resultate bi the-sports.org