Choorverband Neddersassen-Bremen
De Choorverband Neddersassen-Bremen (CVNB) is en Verband von Chöör in Neddersassen un Bremen. Dat is een von 26 Landsverbänn, ut de sik de Düütsche Choorverband tohoopsett.
In’n Verband mit Seet in Bremen sünd üm un bi 900 Chöör. 35.000 Sängers singt aktiv. Dor kaamt 32.400 fördernde Maten to. De Chöör sünd regional in 27 Kreischoorverbänn tohoopslaten.
De Choorjugend in’n Choorverband Neddersassen-Bremen was binnen de Düütsche Choorjugend en egenstännig Jugendverband.
De Naververbänn sünd de Sängerbund Sleswig-Holsteen, de Choorverband Hamborg, de Choorverband Mekelborg-Vörpommern, de Landschoorverband Sassen-Anholt, de Neddersassische Choorverband un de Choorverband Noordrhien-Westfalen.
De Rebeden von’n Choorverband Neddersassen-Bremen un den Neddersassischen Choorverband överlappt deelwies.
Geschicht[ännern | Bornkood ännern]
De Choorverband Neddersassen-Bremen is ut de Vereenigten Noorddüütschen Ledertafeln vörgahn, de sik al 1831 in Neenborg billt hebbt. An’n 16. Juli 1831 hebbt in’t Eiler Holt bi Marklohe Sängers von de Bremer Ledertafel, de Ole Hannöversche un de Neenbörger Ledertafel den Bund von de Vereenigten Noorddüütschen Ledertafeln grünnt.[1]
Op Andrag von Senater Carl Schütte is in’t Eiler Holt en Gedenksteen opstellt worrn, de bi’n Sängerdag 1891 toeerst wiest worrn is.[2]
Präsidenten[ännern | Bornkood ännern]
- 1990–2000 Wolfgang Fascher (Visselhövede)
- 2000–2012 Hans-Jürgen Ollech (Wesendörp)
- 2012–2016 Carl-Mathias Wilke (Garrel)
- 2016–2020 Ferdinand Emmrich (Jaderbarg)
- 2020–2022 Cornelia Recht (Stade)
- siet 2022 Jason Johnson (Lehrte)
Literatur[ännern | Bornkood ännern]
- F. Thomas Gatter: Die Chorbewegung in Norddeutschland 1831 bis 2006 – Von den Vereinigten Norddeutschen Liedertafeln bis zum Chorverband Niedersachsen-Bremen. Eres-Verlag, Leendaal 2007, ISBN 978-3-87204-439-6
- Wilhelm Siebert: Festschrift der Nienburger Liedertafel aus Anlaß ihres 100jährigen Bestehens. 1831–1931. Hoffmann, Neenborg 1931
Weblenken[ännern | Bornkood ännern]
- Websteed von’n Choorverband (hoochdüütsch)
Footnoten[ännern | Bornkood ännern]
- ↑ Als das Radio noch nicht erfunden war: Celler Männerchöre im Kaiserreich, Sachsenspiegel von de Cellesche Zeitung, 7. September 2013
- ↑ Liedertafeln waren Gründer, Kreischoorverband Neenborg, afropen an’n 21. November 2017
ACHORDAS | Baden-Württembergisch Sängerbund | Badisch Choorverband | Bayerisch Sängerbund | Brannenbörgsch Choorverband | Choorverband Bayerisch-Schwaben | Choorverband Bayern | Choorverband Berlin | Choorverband Brannenborg | Choorverband von de Palz | Choorverband Hamborg | Choorverband Mekelborg-Vörpommern | Choorverband Neddersassen-Bremen | Choorverband Noordrhien-Westfalen | Choorverband Rhienland-Palz | | Döringer Sängerbund Düütsche Sängerschop | Fränkisch Sängerbund | Hessisch Choorverband | Hessisch Sängerbund | International Shanty and Seasong Association | Landschoorverband Sassen-Anholt | Maintal-Sängerbund | Middeldüütsch Sängerbund | Neddersassisch Choorverband | Rhienland-Pälzisch Choorverband | Saarlandsch Choorverband | Sassisch Choorverband | Sängerbund Sleswig-Holsteen | Schwäbisch Choorverband | Shanty Choorverband in’n Düütschen Marienbund | Sondershäuser Verband Akademisch-Musikalischer Verbindungen