De Born vun Chiquibul-Natschonaalpark wiesen.

{{Infobox Natschonalpark
|NAAM=Chiquibul-Natschonaalpark
|STAAT=Belize
|KOOR_NS=16.7
|KOOR_OW=-88.9
|KOORT=
|BILD=
|BILDB=
|GRÖTT=1073
|LEVENSRUUM=
|INRICHT=1991
|BESÖKERS=
|OPSICHT=
|IUCN=II
|ATTRAKSCHOON=
|WEBSTEED=
}}
De '''Chiquibul-Natschonaalpark''' ({{S|en|''Chiquibul National Park''}}) is en 1073&nbsp;km² groten [[Natschonaalpark]] in de [[Maya-Bargen]]. De Park liggt in’n Distrikt [[Cayo (Distrikt)|Cayo]] von dat Land [[Belize]].

De Park is 1991 inricht worrn.

== Geografie ==

De Grenz von’n Natschonaalpark fallt in’n Oosten un Süden mit de [[Waterscheed]] von dat Stroomsystem von’n [[Belize River]] tohoop. In’n Noordoosten grenzt de Park an dat [[Afströömrebeed]] von’n [[Sibun River]], in’n Oosten von’n [[Sittee River (Stroom)|Sittee River]], in’n Süüdoosten von’n [[Monkey River]] un in’n Süden von’n [[Rio Grande (Belize)|Rio Grande]], von’n [[Moho River]] un op en lütt Enn noch von’n [[Río Usumacinta|Usumacinta]]. In’n Westen is de [[Grenz von Belize un Guatemala|Staatsgrenz na Guatemala]] ok de Grenz von’n Park. Von de Staatsgrenz stracks na Oosten geiht de Parkgrenz denn na’n [[Macal River]]. De Noordgrenz billt de Loop von’n Macal River bet na’n [[Born (Water)|Born]] von’n Macal. Ut düt Rebeed sünd aver twee Rebeden utnahmen: de [[Caracol Archaeological Reserve]] un de [[Chiquibul Forest Reserve]] billt Schuulrebeden mit egen Schuulstatus.

Binnen Belize is de Natschonaalpark op all Sieden von annere Schuulrebeden ümgeven. Dat sünd de [[Vaca Forest Reserve]] un de [[Mountain Pine Ridge Forest Reserve]] in’n Noorden, [[Sibun Forest Reserve]] un [[Sittee River Forest Reserve]] in’n Noordoosten, dat [[Victoria Peak Natural Monument]] un dat [[Cockscomb Basin Wildlife Sanctuary]] in’n Oosten un de [[Bladen Nature Reserve]] un de [[Columbia River Forest Reserve]] in’n Süden. Dat Rebeed in’n Oosten in [[Guatemala]] is besiedelt, aver as [[Reserva de la Biosfera Montañas Mayas Chiquibul]] ok schuult.

De Höögd von dat Gelänn reckt von {{Hööchd|1124}} an’n [[Doyle’s Delight]] bet en beten över {{Hööchd|300}} an’n Macal River.

De Ünnergrund von de Region besteiht ut [[Kalksteen]]. Ok dat [[Höhlensystem von Chiquibul]] liggt in’n Park.

== Historie ==

Dat unbewahnte Binnenland von de Maya-Bargen is 1956 as Chiquibul Forest Reserve schuult worrn, wat bedüden dee, dat dor Holtafbo verlöövt weer. In de Johren 1980 hebbt sik aver Naturschützers dor för insett, dat sik de Status ännert, wat denn 1991 passeert is. En Veerdel von de Forest Reserve, in dat al aktive Holtfäll-Kunzessionen vergeven weren, is Forest Reserve bleven, wieldes de annern dree Veerdel to’n Natschonaalpark maakt worrn sünd.

[[Kategorie:Natschonalpark]]
[[Kategorie:Distrikt Cayo]]