Chevrolet Kingswood Estate

Vun Wikipedia
Zur Navigation springen Zur Suche springen
Chevrolet Kingswood Estate Kombi (1969). Man bekiek sück den Utsnitt in den Heckstöötfänger för de Beladen.
Chevrolet Kingswood Estate Kombi (1970)

De Chevrolet Kingswood Estate weer en Kombi, den Chevrolet van 1969 bit 1972 baut hett. Vun dat eenfachere Modell Kingswood hett he sück dör sien Holtimitat an de Fohrtüüchsieden un de Hecktdöör, ebenso as en beten luxuriösere Binnenutstattung ünnerscheeden. Bi en lütt Tall vun 1969er-Modelle geev dat up Wunsch afdeckt Vörderlampen. De Wagen footen up de GM-B Plattform un dat geev de blots mit V8-Motoren. Hör Limousinen-Pendant weer de Caprice, un af 1973 hett dat Modell ok Chevrolet Caprice Estate heeten. Dat weer dormals dat Spitzenmodell in de Kombi-Palette vun Chevrolet.

In de Modelljohren 1969 un 1970 weer de Kingswood Estate – as all groot Kombis vun Chevrolet – mit en Heckdöör utstatt, de wahlwiest o de Siet oder nah ünnern apen maakt wurrn kunn. Dorto wurr de Heckschiev versenkt. Wurr de Döör sietwärts apen maakt, weer de Heckstöötfänger mit en Utspooren versehn, um den Passagieren vun de dart Sittbank dat Instiegen un dat Belaaden vun den up Wunsch anbaut Daakgepäckdräger lichter to maaken. Wurr de Döör nah ünner apen maakt, weer in disse Utspooren de Beslag, de bi dat sietlich Apenmaaken entriegelt wurr un dordör den Träe free geev.

Weblinks[ännern | Bornkood ännern]

Commons-logo.svg Chevrolet Kingswood Estate. Mehr Biller, Videos oder Audiodateien to’t Thema gifft dat bi Wikimedia Commons.