Charles St. John Fancourt

Vun Wikipedia
Zur Navigation springen Zur Suche springen

Charles St. John Fancourt (* 1804; † 1875) weer en brietschen Offzeer, Politiker (Tory, Conservative Party) un Koloniaalbeamten.

Fancourt is 1804 as Söhn von Amelia, borene Farrer († 7. Januar 1852), un St. John Fancourt (1770–1806) boren.[1] Sien Vader, de Kummandant von dat Fort Vellore in Indien weer, is al an’n 10. Juli 1806 bi de Meuteree von Vellore doodbleven.[1]

Fancourt is Offzeer worrn. He is an’n 8. April 1819 as Kornett bi dat 17. Dragunerregiment anfungen, is an’n 30. Mai 1822 Leutnant bi dat 4. Dragunerregiment worrn un an’n 28. April 1825 Hauptmann bi dat 93. Infanterieregiment.[1] An’n 31. Dezember 1825 is he na dat 6. Dragunerregiment wesselt.[1] Von’n 28. Juni 1827 bet 16. August 1827 weer he Major bi dat Royal African Colonial Corps un denn bi dat 80. Infanterieregiment.[1] An’n 17. Januar 1828 is he op Halvsold wesselt.[1] An’n 25. Dezember 1832 is Fancourt Major bi dat 73. Infanterieregiment worrn, hett aver an’n 28. Dezember 1832 sien Offzeerspatent verköfft.[1]

He is bi de Parlamentswahl 1832 in’n Wahlkreis Barnstaple mit 28,6 % von de Stimmen as Afornten för de Tories in dat Ünnerhuus wählt worrn. Nadem de Tories sik 1834 oplööst harrn, is he bi de Wahl 1835 för de Conservative Party in’n sülven Wahlkreis mit 43,7 % von de Stimmen nochmaal wedder in dat Ünnerhuus wählt worrn un bet 1837 Afornten bleven. Dormit weer he von’n 12. Dezember 1832 bet 17. Juli 1837 Parlamentarier.[1]

He weer Stallmeester von’n Duke of Cumberland, de 1837 as Ernst August I. König von Hannover worrn is.[1]

1843 is Fancourt as Nafolger von Alexander MacDonald Supperndent von Brietsch-Honduras worrn un dat bet 1851 bleven. In dat Johr hett em Philip Edmond Wodehouse aflööst.

He hett toletzt in Cheltenham leevt.[1]

Warken[ännern | Bornkood ännern]

  • The History of Yucatan: From Its Discovery to the Close of the Seventeenth Century. Murray, London 1854

Footnoten[ännern | Bornkood ännern]

  1. a b c d e f g h i j Frederic Boase: Modern English Biography: Containing Many Thousand Concise Memoirs of Persons who Have Died Between the Years 1851-1900, with an Index of the Most Interesting Matter. Band 5, Frank Cass & Co., 1965, Sied 267