Charles Moss Duke

Charlie Duke an’ 2. Oktober 2008 in’t Technik-Museum Speyer

Charlie Duke an’ 21. April 1972 up den Maand, fotografeert vun John Watts Young

Charles Moss „Charlie“ Duke, Jr. (* 3. Oktober 1935 in Charlotte, North Carolina), USA) is en ehmalger US-amerikaansch Astronaut. He weer de teinte Minsch, de de Maand betreden hett.

Charles Duke is in South Carolina upwussen un studeer nah de High School toeerst Marinetechnik. An de US-Marineakademie kreeg he 1957 en Bachelor. Dornah weer he as Kamppilot in Düütschland statschoneert. 1964 hett he en Studium an dat Massachusetts Institute of Technology (MIT) mit en Master as Luftfahrtingenieur afslooten. 1965 wurr he Utbilder an de Testpilotenschool vun de US Air Force.

1966 wurr Duke in de Astronautengrupp vun de NASA upnommen. he weer Capcom bi de eerste Maandlandung (Apollo 11) un later Ersatzpilot vun de Landefähre vun Apollo 13. Dör sien Erkrankung an Röteln kunn de Pilot vun de Kommandokapsel Thomas Mattingly nich an de Mission deelnemmen, wiel he kien Antikörper in sien Blood harr un man dorvan utgahn de, dat de Krankheit utbreken kunn, wat aber denn doch nich passeer.

Dornah wurr Duke Pilot vun de Landefähre vun Apollo 16 ünner dat Kommando vun John Watts Young, tosommen mit Thomas Mattingly, de denn jetzt ok to’n Insatz kommen de. Duke hull sück bi de fievte Landung up den Maand in’ April 1972 bi dree Exkursionen all tosommen ruch weg 70 Stünnen up de free Maandböverflach up.

Duke, de verheiraadt is un twee Söhns hett, is in’ Dezember 1975 ut de NASA utscheden.

Besünnerheeten un Rekorde

• Duke ist de jüngste Minsch up den Maand wesen.

Warken

• Charles M. Duke, Moonwalker, Thomas Nelson Inc, 1990, ISBN 0-8407-9106-2

Weblenken

Charlie Duke. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun Charlie Duke
• NASA about Duke 12/1994 (en)
• Bio at Astronautix (en)

Born

• NASA-Biographie (engelsch)