Charles Hesse

Vun Wikipedia
Zur Navigation springen Zur Suche springen

Charles Hesse (* 19. Februar 1901 in London; † 1. August 1971 in Bremen) weer en düütschen Politiker von de CDU.

Hesse is 1901 in London boren. He weer op dat Gymnasium in Stettin. Na de Schooltied weer he in’n Eersten Weltkrieg von 1914 bet 1918 königlich-sassischen Kadett un na’n Krieg Eleve in’n Kreis Randow. He hett denn Bueree an de Technische Hoogschool München studeert un dat Staatsexamen maakt. Von 1925 bet 1928 weer he Göderdirekter in Klink bi Waren, von 1928 bet 1936 Farmer op en grote Wetenfarm in Kanada. 1936 keem he na Düütschland trügg un is Pächter von de Göder Seehoff un Schönfeld in’n Kreis Wismer ween. Von 1939 bet 1945 weer he Soldaat in’n Tweten Weltkrieg. 1945 is he von siene Göder verdreven worrn un is bi Verwandte in Veern ünnerkamen. 1945 bet 1965 weer he Verwalter von dat Good Lohoff in’n Landkreis Veern.

Hesse is 1955 Vörsitter von de Landkrankenkass in’n Landkreis Veern worrn. Na’n Krieg weer he Maat von de Landweertschopskamer Hannover, ünner annern as Maat von’n Personalutschuss. 1960 is he Vörsitter von’n Kreisverband Veern von dat Neddersassische Landvolk un Kreislandweert von’n Kreis Veern worrn.

Hesse war von’n 6. Juni 1967 bet 20. Juni 1970 (sösste Wahlperiood) för den Wahlkreis Veern Maat von’n Landdag von Neddersassen.

Hesse weer verheiraadt un harr twee Kinner. He is an’n 1. August 1971 in Bremen doodbleven.