Charles Hard Townes

Vun Wikipedia
Charles H. Townes, 2007 (rechts) mit Roderic Pettigrew

Charles Hard Townes (* 28. Juli 1915 in Greenville, South Carolina; † 27. Januar 2015[1]) weer en US-amerikaansch Physiker un Nobelpriesdräger.

Leven[ännern | Bornkood ännern]

Charles Hard Townes wurr an’ 28. Juli 1915 as Söhn vun den Afkaat Henry Keith Townes un de sien Fru Ellen (Hard) Townes in Greenville (South Carolina) boren. He wurr an apenlich Schoolen in Greenville ünnerricht un fung dornah en Studium an de Furman University in Greenville an, dat he 1935 mit den Bachelor of Science in Physik un den Bachelor of Arts in modern Spraken „summa cum laude“ afslooten hett. Nah den Master-Afsluss in Physik an de Duke University 1936 hett he 1939 sien Doktertitel in Physik an dat California Institute of Technology över Isotopentrennung un Karnspin maakt. 1933 bit 1947 weer he bi den Bell Laboratories, wo he in’ Tweeten Weltkrieg an den Insatz vun Radar bi Bombern arbeiten dee, worto he Radarsysteme mit immer körter Wellenlängten entwickeln dee. 1948 wurr he Associate Professor un 1950 Perfesser för Physik an der Columbia University. 1950 bit 1952 weer he Executive Director vun dat Columbia Radiation Laboratory un 1952 bit 1955 Vörsitter vun de Physik-Fakultät. Van 1959 bit 1961 weer he Viezpräsident un Direkter för Forschung an dat Institute for Defense Analyses in Washington, D.C., en Non-Profit-Organisation, de vun elf Universitäten bedreeven wurr un de US-Regeeren beraaden dee. 1961 wurr he to’n Provost un Perfesser för Physik an dat Massachusetts Institute of Technology nömmt, legg aber de Positschoon as Provost 1966 weer daal, um sück weer starker mit de Forschung befaaten to können. 1967 wurr he Perfesser an de University of California, insbesünnere an de University of California, Berkeley. Siet 1986 weer he dor Professor Emeritus.

Townes weer tietwies Viezpräsident vun dat Science Advisory Committee vun den US-Präsidenten un in verscheeden wiedere Regeerenskomitees (ünner annern den wetenschaplich Beradergremium för de Maandlannen un för MX-Raketen). He weer ok in den Upsichtsraat vun General Motors un vun Perkin Elmer.

Townes hett 1941 Frances H. Brown heiraadt un hett veer Döchter, Linda Rosenwein, Ellen Anderson, Carla Kessler un Holly Townes. He is de Schwager vun Arthur Leonard Schawlow, de 1951 sien jüngste Süster Aurelia heiraadt harr.

1967 weer he Präsident vun de American Physical Society.

Wark[ännern | Bornkood ännern]

In sien Tiet an den Bell Laboratories wiels den Tweeten Weltkrieg hett Townes Radar-Bombensysteme entworfen un hollt en Reeg vun Patenten to de togehörig Technologie. Nah den Krieg konzentreer he sück up dat Anwennen vun de Mikrowellentechnologie ut de Radarforschung in de Spektroskopie.

An de Columbia University hett he sien Forschungen to de Mikrowellenphysik fortsett un forsch an de Wesselwirken vun Mikrowellen mit Molekülen un dat Bruuken vun Mikrowellenspektren to de Analyse vun de Struktur vun Molekülen, Atomen un Atomkarns. 1952 entwickel je de Idee för en Maser, de 1954 in en funktionrrtrn Apparatur to dat Verstärken un Ertüügen vun elektromagnetisch Wellen dör stimuleerte Emission münden dee – de Arbeitsgrupp dorför den Begreep MASER präägt, en Akronym för microwave amplification by stimulated emission of radiation. He kunn 1958 mit sien Schwager Arthur Leonard Schawlow theoretisch wiesen, dat dat Funktschonsprinzip vun den Maser ok up optisch un infraroot Wellenlängten to gebruuken is.

Wiedere Forschungen vun Townes liggen in de Berieken Nichtlineare Optik, Radio- un Infrarotastronomie. Hüm un sien Kollegen gelung dat as eerste, komplexe Moleküle in de interstellare Materie nachtowiesen un (in de 1980er Johren mit den as Post-Doc dor bi Townes arbeiten Reinhard Genzel) de Masse vun dat Swaart Lock in dat Zentrum vun uns Melkstraat to meeten (se keemen dormals up 4 Millionen Sünnmassen, hüüdig Schätzungen (2008) vun Genzel gaht vun 3 Millionen ut), indem se in’ Infraroten de Bewegen vun interstellarer Gaswulken dicht bi dat galaktischen Zentrum verfolgen deen.

Townes wurr 1964 tosommen mit Nikolai Gennadijewitsch Bassow un Alexander Michailowitsch Prochorow „för grundleggen Arbeitenup dat Rebeet vun de Quantenelektronik, de to de Konstruktschoon vun Oszillatoren un Verstärkern up de Basis vun dat Maser-Laser-Prinzip führen deen“ mit den Nobelpries för Physik uttekent.

Utteknungen[ännern | Bornkood ännern]

Hüm to Ehren is de Charles Hard Townes Awardvun de Optical Society of America nömmt wurrn.

Schriften[ännern | Bornkood ännern]

  • Making Waves. AIP Press, 1995.
  • How the Laser Happened: Adventures of a Scientist. Oxford University Press, 2000.
  • mit A. L. Schawlow: Microwave Spectroscopy. McGraw-Hill, 1955.
  • mit A. L. Schawlow: Infrared and Optical Masers. In: Physical Review. Band 112, 1958, S. 1940
  • A life in physics, Oral History Interview von Suzanne Riess, University of California 1994 (Vorwort Arthur Schawlow)

Literatur[ännern | Bornkood ännern]

  • M. Bertolotti: History of the Laser. Taylor and Francis, 2004.
  • J. L. Bromberg: The Laser in America, 1950–1970. MIT Press, 1991.
  • R. Y. Chiao: Amazing Light : A Volume Dedicated To Charles Hard Townes On His 80th Birthday. Springer, 1996.
  • J. Hecht: Beam: The Race to Make the Laser. Oxford University Press, 2005.
  • J. Hecht: Laser Pioneers. Academic Press, 1991.
  • N. Taylor: Laser: The Inventor, the Nobel Laureate, and the Thirty-Year Patent War. Citadel, 2003.
  • Frances Townes: Misadventures of a Scientist's Wife. Regent Press, 2007.

Weblinks[ännern | Bornkood ännern]

Charles Townes. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Nobel laureate and laser inventor Charles Townes dies at 99