Cayuse

De Cayuse , deren Naam sück wohrschienlich vun dat franzöösch-kanaadsch Woort cailloux för Steens oder Felsen afleit, weern en Indianer-Stamm in Columbia-Plateau in' Noordwesten vun de Vereenigten Staaten. De Cayuse sülvst hebbt sück as völ indigene Völker vun Amerika eenfack Te-taw-ken - ‘Wi, dat Volk’ nömmt.^[1]

Vör de Ünnerwerfen dör de Witten hebbt de Cayuse in dat noordööstliche Oregon as Nahbers vun de Umatilla un Nez Percé leevt. As de Nez Percé ok weern de Cayuse spoodriek Peertüchter un bit hüüd drocht en Peerrass hör Naam.

Historie

Umapine (Wakonkonwelasonmi), en Cayuse-Hööftling, September 1909

Bit in de veertiger Johren vun dat 19. Johrhunnert weern de Cayuse en bi den lüttgeren Stammen vun de Gegend Stamm för de man bang weer. Se sünd aber ok as Middelsmänner in' Hannel mit annern Stammen utreden. Um un bi 1847 geev dat en Meeselepidemie, de en Grootdeel vun den Stamm dat Leven kösten dee, so dat blots ruchweg nooch 400 Lüüd dat överleven deen.

Doruphen hebbt de Cayuse up dat Rebeet vun de Sahaptin in dat so nömmt "Whitman-Massaker" den Missionar Marcus Whitman un sien Familie, de se för de Epidemie verantwoortlich maken deen, ümbrocht. Dör de hooch Verluste dör Meesels un dör de Kämpe mit de Witten weern de Cayuse up letzt dwungen, mit den USA en Freedensverdrag to ünnerschrieven un in de Umatilla-Reservatschoon to trecken.

De Stand hüüd

Hüüd gifft dat kien Indianerstamm vun de Cayuse mehr. De Överleevenn gungen in de anner Stammen vun de Reservatschoon, den Walla Walla un den Umatilla, up un hörrt nu to de so nömmt "Umatilla Confederated Tribes".

Spraak

De Spraak vun de Cayuse, de as Waiilatpuan betekent wurrd, gellt hüüd as isoleert^[2] un is utstorven - 1805 hebbt de meest Cayuse den Dialekt vun de Ünneren Nez Percé snackt.

Sonstiges

De Cayuse sünd ok Naamsgever för en Militärhubschrauber vun de USA, den Hughes OH-6 "Cayuse", in' Rahmen vun de bi dat US-Militär begäng, tosätzlich Beteken vun insett Hubschraubertypen mit Naams vun Indianerstammen.

Literatur

Jennifer Karson (Hrsg.): Wiyáx ayx t/Wiyáakaa'awn. = As Days Go By. Our History, Our Land, Our People. The Cayuse, Umatilla and Walla Walla. Tamástslikt Cultural Institute u. a., Pendleton OR u. a. 2006, ISBN 0-295-98623-9.

Kiek ok

List van Indianer up de noordamerikaansche Kontinent

Weblenken

Cayuse. Mehr Biller, Videos oder Audiodateien to’t Thema gifft dat bi Wikimedia Commons.

Umatilla Cofederated tribes

Enkeld Nahwiesen

↑ Ruby, Robert H. and John A. Brown. A Guide to the Indian Tribes of the Pacific Northwest Norman, University of Oklahoma Press; September 1992, ISBN 978-0806124797)
↑ fröher hett man annommen, dat se as Waiilatpuan-Twieg to de Penuti-Spraakfamilie oder mit de ebenfalls to disse Spraakfamilie anhörrn Molalla, höörn deen

[1] Ruby, Robert H. and John A. Brown. A Guide to the Indian Tribes of the Pacific Northwest Norman, University of Oklahoma Press; September 1992, ISBN 978-0806124797)

[2] röher hett man annommen, dat se as Waiilatpuan-Twieg to de Penuti-Spraakfamilie oder mit de ebenfalls to disse Spraakfamilie anhörrn Molalla, höörn deen

[1]

[2]