Cathy Priestner

Vun Wikipedia
Cathy Priestner in 1975

Catherine Ann Priestner (* 27. Mai 1956 in Windsor, Ontario) is en ehmalge kanaadsch Iesflinklöperin.

All mit elf Johren fun Priestner mit Iesflinkloop an un harr een Johr later all hör eerst natschonalen Spood. Internatschonal is se mit fievteihn Johren antreden.

As se 16 Johr old weer hett se an de Olympisch Winterspelen 1972 in Sapporo deelnommen um keem över 500 m un 1000m in’t Middelfeld. Bi de Sprintweltmeesterschapen 1975 in Göteborg wunn Priestner de Bronzemedaille. Een Johr later bi hör tweet Olympisch Winterspelen 1976 in Innsbruck wunn se över 500 m de Sülvermedaille un över 1000m keem se up Platz 6. Dormit weer se de eersten kanaadsch Iesflinklöperin, de en olympisch Medaille winnen kunn. Se wurr doruphen as Fahnendragerin vun hör Mannschap bi de Afslussfier utwählt.

Mit man jüst 20 Jahren hett se hör Karriere 1976 aber ok all afslooten. Dornah hett se as Kommentatorin för de kanaadsch Senner CTV un CBC bi Olympisch Winterspelen arbeit. Bi de Winterspelen 1988, 2002, 2006 un 2010 weer Priestner maatgevend an de Organisatschoon bedeeligt. Se wurr 1994 in de Canadian Olympic Hall of Fame, de Ruhmeshall vun de kanaadsch Olympiadeelnehmers, upnommen.

Weblenken[ännern | Bornkood ännern]