Cassinisch Deelen

Vun Wikipedia
Zur Navigation springen Zur Suche springen
Saturn mit sien Ringsystem un de Deelen dorin

As Cassinische Deelen warrt de gröttste Lück in dat Ringsystem vun’n Planeten Saturn betekent.

De Saturnringen mit Beteken vun de wichtigsten dorvun (NASA).

Oorsaak vun disse Lück is de Maand Mimas. De Cassinische Deelen is ruchweg 4800 km breet un scheedt de beiden opfalligsten Ringen vunenanner, de as A- un B-Ring betekent sünd. Twüschen de Saturnringen kummt dat jümmer wedder to leddige Steden, de Cassinische Deelen is de gröttste dorvun. De Partikel, de de Ringen billt, warrt dör de Gravitatschoon vun de Saturnmaanden ut dat System togen. De Cassinische Deelen is liekers nich vullstännig leddig, man bargt düsteret Material, so dat se op Biller vun Ruumsonden so utsütt, as weer dor keen Materie to finnen.


Den Naam hett de Cassinische Deelen na den italiensch-franzööschen Astronom Giovanni Domenico Cassini, de ehr 1675 opdeckt hett. Na den Astronom is wieter ok de Ruumsond Cassini nöömt. De hett op en Opnahm bi en Bedecken vun de Sünn dör den Saturn an’n 15. September 2006 en bit dorhen noch unbekannten Ring opdeckt.[1] Disse fienere Ring binnen de Cassinischen Deelen weer intressanterwies op de Biller vun de Voyager-Sonden 25 Johren fröher nich to sehn.

Borns[ännern | Bornkood ännern]

  1. Sterne und Weltraum, 12/2006, S.17